धनुषा, ०७६ माघ २७ गते
धनुषाको सबैला नगरपालिका नपा–९ का वडाध्यक्ष सुशिलकुमार रायले किराना पसलबाट सय रुपैयाँ चोरेको आरोपमा स्थानीय १३ वर्षीय सुरज महतो र १० वर्षीय बिल्टु मुखियालाई ८ घण्टा थुनेर कुटपिट गरेको पिडितले आरोप लगाएका छन् । वडाध्यक्षको कुटपिटबाट सुरजर बिल्टुको नाक, छाती र ढाडमा गम्भिर चोट लागेको छ । १३ वर्षीय सुरज महतोको अवस्था सामान्य रहेपनि १० वर्षीय बिल्टुको नाक र मुखबाट रगत आएकाले तीन दिनदेखि जनकपुरधामको समर अस्पतालमा उपचार भई रहेको छ ।
माघ २३ गते विहान ११ बजेतिर सुरज र बिल्टु खेल्दै शिवशंकर महतोको किराना पसल तिर गएका थिए । पसलमा कोही नभएको मौका छोपेर पसलमा रुपैया राख्ने गल्लाबाट सय रुपैयाँ झिकेको बिल्टु मुखियाले बताए । उनले भने, ‘पैसा चोर्ने क्रममा हामी दुवै जनालाई पसलले शिवशंकर मतोले गिरफतार गरेको थियो । किराना पसले शिवशंकर महताले सय रुपैया खोसेर छापडले हान्दै वडा कार्यालयमा लगेपछि वडाध्यक्ष सुशिलकुमार राय र स्थानिय बीरेन्द्र रायले थप्पड र मुक्काले हानेको बताएका छन् ।
बिल्टुका बुवा तेजवा मुखियाका अनुसार ‘वडाध्यक्ष रायले छोरालाई बाँधेर झाँडुको शरिरभर जथाभावी कुटपिट गरेको बताउनुभएको छ । दुवै बालकलाई बिहान ११ बजेदेखि बेलुका ७ बजेसम्म वडा कार्यालयमा बन्धक बनाएर कुटपिट गरेको वुवा तेजवा मुखियाको आरोप छ ।
यता, वडा अध्यक्ष सुशिल रायले किराना पसलले शिवशंकर महतोले बाँधेर राखेको अवस्थामा दिउँसो करिब ४ बजे आफूलाई फोन गरेको थियो ।े किराना पसले र बालकका अभिभावकलाई वडा कार्यालयमा बोलाएर छलफल गराएको बताए । वडाध्यक्ष राउतले चोरिएको रकम मुखियालाई तिर्न लगाएर दुवैलाई घर पठाएको थिए । पछि बिल्टु गम्भिर विरामी भएपछि आफुले नै उपचारको लागि अस्पताल लानु भनेर अभिभावकलाई सल्लाह दिएको तर आफुलाई राजनितिक राजनीतिक प्रतिशोधले फसाउन खोजेको प्रतिक्रिया दिनुभएको छ ।
घटनाबारे इलाका प्रहरी कार्यालय सवैलालाई माघ २३ गते राति नै मौखिक रुपमा जानकारी गराएको भएपनि छोरा गम्भिर विरामी परेपछि विचल्लीत भएकाले अहिलेसम्म प्रहरी कार्यालयमा उजुरी लिखित उजुरी नदिएको विल्टुका बुवा तेजवा मुखियाले बताउनुभएको छ । छोरालाई सञ्चो भएपछि कानुनी रुपमा अगाडी बढ्ने बताउनुभएको छ ।