धनुषा, ०७६ फागुन २ गते ।
प्रदेश सरकारले प्रादेशिक सडक संजाल गुरुयोजना सार्वजानिक गरेको छ । भौतिक पूर्वाधार विकास मन्त्रालय प्रदेश २ ले आयोजना गरेको पत्रकार सम्मेलनले प्रदेश २ को सडक संजालको अवस्थामा कायापलट हुने गरि ४ हजार किलोमिटर सडक बनाउने गुरुयोजनाको खाका प्रस्तुत गरेका छन् ।
भौतिक पूर्वाधार विकासमन्त्री जितेन्द्र सोनलले सडकको विकास गर्ने सवालमा चौतर्फी माग भई रहेको वेलामा संघिय सडकलाई नछुने गरि प्रदेशको राजधानी र जिल्लाको राजधानी र जिल्लाको सदरमुकामदेखि जिल्ला भित्रको स्थानिय तहसम्मको केन्द्रलाई जोड्ने गरि सडक संजाल विस्तार गर्ने गुरु योजना रहेको बताएका छन् । आयोजित पत्रकार सम्मेलनमा यसको अभियानको क्रममा प्रदेश २ सरकारले अढाई वर्षमा ११०३ किलोमिटर सडक निमार्ण गरेको बताएका छन् । ३७५ किलोमिटर पक्की र ग्राभेल र ७२७ किलोमिटर कच्ची सडक विस्तार भई सकेको बताए ।
मन्त्रि जितेन्द्रका अनुसार प्रदेश लोकमार्गअन्तर्गत निमार्ण गरिने ४ हजार किलोमिटर सडक ३ चरणमा ३ प्रकारको सडक निमार्ण गरिने बताएका छन् । प्रदेश लोकमार्गअन्तर्गत प्रादेशिक लोकमार्ग संघिय हाइवेसंग जोड्ने गरि १४९७ किलोमिटर, प्रादेशिक सहायक लोकमार्गअन्तर्गत १२६१ किलोमिटर जिल्लाको सदरमुकामदेखि पालिकाको केन्द्रलाई जोड्ने र अन्य सडकअन्तर्गत ६३४ किलोमिटर पालिकाको केन्द्रसंग वडालाई जोड्ने गरि निमार्ण गरिने गुरुयोजना सार्वजानिक गरेका हुन् ।
प्रदेश लोकमार्ग निमार्णको लागि प्रदेश सरकारलाई संघ सरकारले दिने गरेको अनुदान रकमबाट परिपूर्ति गर्दा १५ वर्षमा ९७ अर्व ४१ करोड रुपैया खर्चिनेछ । प्रदेश लोकमार्ग निमार्णका लागि प्रदेश सरकारले प्रदेशले प्रादेशिक सडक ऐन समेत बनाई सकेको मन्त्रि सोनलले बताए । आयोजित पत्रकार सम्मेलनमा प्रदेश २ सरकारले चाँडै आफ्नै ५ वटा बस सञ्चालन गर्ने भएको छ । प्रदेश २ को पूर्वदेखि पश्चिमसम्म प्रदेश सरकारले पाँचवटा बस सञ्चालन गर्ने तयारी गरेको बताएका छन् ।
‘टेन्डर प्रक्रिया अन्तिम चरणमा पुगिसकेको छ, केही दिनभित्रै टेन्डर निकाल्ने तयारीमा हामी छौं, यो प्रक्रिया पूरा भएलगत्तै प्रदेश सरकारले आफ्नै बस सञ्चालन गर्नेछ,’ सोनलले भने। मन्त्री सोनलले पहिलो चरणमा जनकपुरदेखि पूर्व राजविराज र पश्चिम वीरगंजसम्म तथा वीरगंजदेखि राजविराजसम्म बस सञ्चालन हुने बताए। प्रशासनिक कामका लागि जनकपुर पुग्नेहरुको समस्यालाई मध्यनजर गरी प्रदेश सरकारले यस्तो योजना ल्याएको उनको भनाइ छ। काठमाडौंमा सञ्चालन भइरहेको साझा बसअनुसारकै बस खरिद गर्ने तयारी रहेको उनले बताए ।