धनुषा, ०७६ चैत २७ गते ।
प्रदेश २ का भूमि व्यवस्था कृषि तथा सहकारी मन्त्री शैलेन्द्र साहले लकडाउन अवधि भरका लागि मन्त्रालयले प्रदेशका किसानहरुलाई राहत तथा क्षतिपूर्ति उपलब्ध गराउने तयारी भइरहेको जानकारी दिनुभएको छ । किसानलाइ राहत दिनका लागि प्रदेशभरका किसानको लगत संकलन भइरहेको बताउनुभएको छ ।
प्रदेशमा कुखुरा व्यवसाय गर्ने किसानहरुलाई ठूलै घाटा भएको बताउँदै मन्त्री साहले प्रति कुखुरा १ सय २५ रुपैयाँ र प्रति चल्ला १ सय रुपैया उपलब्ध गराउने निर्णय समेत भई सकेको मन्त्रि साहले बताउनुभयो । स्थानीय प्रशासन तथा स्थानीय सरकार मार्फत मुचुल्का उठाएर कुखुरा व्यवसायी मन्त्रालयमा आएको खण्डमा राहत पाउन सक्ने मन्त्री साहले स्पष्ट गर्नुभयो ।
बैंकबाट ऋण लिएका किसानहरुलाई क्षतिपूर्ती उपलब्ध गराउनका लागि बैंकहरुलाई चिठ्ठी काटिएको मन्त्रि साहले बताउनुभयो । मन्त्री साहले १० लाख रुपैयाँसम्म कृषिका लागि ऋण लिएका किसानहरुलाई ब्याज १२ प्रतिशत छुट, १० लाख रुपैयाँ देखि २५ लाख रुपैयाँसम्म ऋण लिएकालाई ५० प्रतिशत र २५ लाख रुपैयाँभन्दा माथि ऋण लिएका किसानलाई २५ प्रतिशत सम्म ब्याजमा छुट दिने तयारी सहित व्यवस्था गर्न मन्त्रालयले तयारी गरि रहेको बताउनुभयो ।
यो विषयमा आफ्नो प्रतिक्रिया दिनुहोस् !