धनुषा,०७८ पुस २० गते । राष्ट्रिय सभा सदस्य पदको लागि माघ १२ गते हुने निर्वाचनका लागि प्रदेश २ को निर्वाचन कार्यालय जनकपुरमा पुस २० गते ६ जनाले उम्मेदवारी दर्ता गराउनुभएको छ ।
सक्ता साझेदार पाँच दलीय गठबन्धनको तर्फबाट अन्य समूह कोटामा जनता समाजवादी पार्टी (जसपा) सिरहाका खालिद सिद्धिकी र माओवादी केन्द्रको तर्फबाट पर्साकी उर्मिला अर्यालले उम्मेदवारी दिनु भयो । माओवादी केन्द्रबाट उम्मेदार बनेकी अर्यालको प्रस्तावक नगिना यादव र समर्थक सीता साह रहनुभएको छ ।
लोकतान्त्रिक समाजवादी पार्टीबाट सप्तरीका श्याम सुन्दर सरदार र महोत्तरीकी रुपा यादवले उम्मेदवारी दिनुभयो । श्याम सुन्दर सरदारलाई अभिराम शर्माले प्रस्ताव र गौरी नारायण शाहले समर्थन गर्नु भयो । रुपा यादवलाई प्रदेशसभा सदस्य रानी शर्मा तिवारीले प्रस्ताव र परमेश्वर साहले समर्थन गर्नुभयो ।
एमालेबाट रौतहटकी विना साह र पर्साका उसमान अन्सारीले उमेदवारी दिनुभएको हो । विना साहको अनिलकुमार यादव प्रस्तावक र गणेश राउत समर्थक रहनुभएको छ । उसमान अन्सारीको तारादेवी लामा प्रस्तावक र रामपृत महतोले समर्थन गर्नु भएको निर्वाचन कार्यालय प्रदेश २ का कार्यालय प्रमुख पुष्पा झाले बताउनु भयो ।
प्रदेश सभामा सत्तारुढ जनता समाजवादी पार्टी (जसपा) का ३९ सांसद छ । नेपाली कांग्रेसको १९ सांसद हुँदा लोकतान्त्रिक समाजवादी पार्टी (लोसपा) का १६ सांसद छ । नेकपा एकीकृत समाजवादीका १३ सांसद यो प्रदेशमा छ । नेकपा एमाले र नेकपा माओवादी केन्द्रका ८÷८ जना सांसद हुँदा नेपाल संघीय समाजवादी पार्टीका एक जना सांसद रहेको छ ।
यो विषयमा आफ्नो प्रतिक्रिया दिनुहोस् !