जनकपुरधाम,०७८ पुस २१ गते । सिरहाका एसपी हिराबहादुर पाण्डेलाई प्रहरी प्रधान कार्यालयले तीन महिनाका लागि निलम्बन गरेको छ । सिराहाका कांग्रेस सभापति रामचन्द्र यादवलाई ज्यान मार्ने धम्की दिएका र बन्दुक बोकेर घरमै आएका आरोप लागेका एसपी पाण्डेलाई प्रहरी प्रधान कार्यालयले अनुसन्धानको क्रममा पुस २० गते साँझ निलम्बन गरेको हो ।
प्रहरी प्रवक्ता एसएसपी वसन्तबहादुर कुँवरले ’अनुसन्धानलाई सहयोग पु¥याउन पाण्डेलाई तीन महिनाका लागि निलम्बन गरिएको हो बताए ।’ प्रहरी संगठनमा व्यवसायिक आचरणविपरीत गतिविधि गर्दा समेत कारवाही गर्ने चलन छ । सिराहामा एसपी अर्जुन तिमल्सिना जिल्ला प्रहरी कार्यालयको जिम्मेवारी दिएको छ ।
कांग्रेस नेताको आरोप– ’एसपीले मलाई गोली हान्ने धम्की दिए’ कांग्रेस सिरहाका जिल्ला सभापति रामचन्द्र यादवले सरुवाको विषयलाई लिएर जिल्ला प्रहरी कार्यालयका तत्कालीन प्रमुख एसपी हिराबहादुर पाण्डेले आफूलाई गोली हान्ने धम्की दिएको दाबी गरेका थिए ।
यादवले विज्ञप्ति जारी गर्दै मादक पदार्थ सेवन गरी आइतबार राति १ः२५ बजे तत्कालीन एसपी पाण्डे धनगढीमाई नगरपालिका–९ जिरोमाइलस्थित घरमै आएर अपशब्द, गालीगलौज गरी गोली हान्ने धम्की दिएको बताएका हुन् । ज्यान मार्ने धम्की दिएको भन्दै जिल्ला प्रहरी कार्यालय सिरहामा एसपी पाण्डेविरुद्ध जाहेरी परेको थियो ।
यो विषयमा आफ्नो प्रतिक्रिया दिनुहोस् !