पुस १३ गते ।
दुई हप्तादेखि लगातार बढ्दै गएको चिसो र शितलहरका कारण तराईका जिल्लाहरुको जनजीवन प्रभावित भएसंगै धनुषाका शैक्षिक संस्थाहरु बन्द गरिएको छ ।
जाडो र शितलहर अत्यधिक बढेपछि धनुषाका सामुदायिक विद्यालयहरुमा पुस १८ गते शुक्रवारसम्मका लागि विदा दिइएको शिक्षा विकास तथा समन्वय इकाई धनुषाका प्रमुख बरखु प्रसाद रजकले जानकारी दिए । मौसमलाई मध्यनजर गर्दै ६ दिनको लागि सम्पूर्ण सामुदायिक विद्यालयहरुमा अध्ययन अध्ययापन बन्द गरिएको प्रमुख रजकले बताए ।
त्यस्तै धनुषामा रहेको निजी विद्यालयहरुमा समेत तीन दिनका लागि विदा दिने निर्णय भएको एम–प्याबसन धनुषाका अध्यक्ष सुजित कुमार मिश्रले जानकारी दिए । निजी विद्यालयहरुमा पुस १४ गते सोमबारदेखि १६ गते बुधबारसम्म तीन दिनका लागि विदा दिइएको छ । जाडो अत्यधिक बढेपछि अहिले धनुषा सहित तराई मधेशको जनजिवन प्रभावित बनेको छ ।
