धनुषा,०७९ माघ १५ गते । भारत उतर प्रदेशको अयोध्यामा निमार्णाधिन श्रीराम मंदिरमा राम भगवान र माता सिताको बालपनाको भब्य प्रतिमा निमार्णका लागि नेपालको कालीगण्डकी तटबाट ल्याइएको देवशिलाको जनकपुरधामको जानकी मंदिरमा माघ १५ गते भब्य स्वागत तथा महाआरती गरिएको छ ।
माघ १४ गते साँझ जानकी मंदिरमा ल्याइएको देवशिलाको एक भब्य समारोहका विच जानकी मंदिरमा सर्वसाधारणहरुको दर्शन, पुजा, र महाआरती गरिएको हो ।
महाआरती कार्यक्रममाा मधेश प्रदेश सरकार प्रदेश प्रमुख हरिशंकर मिश्र, मुख्यमन्त्री सरोजकुमार यादव, सभामुख रामचन्द्र मण्डल, एमाले नेतृ तथा संघीय सांसद जुली महतोलगायत विभिन्न साधुसन्त, महात्मा, सर्वसाधारणहरुको उपस्थितीमा महाआरती पुजन गरिएको विश्व हिन्दु परिषद नेपालले जनाएको छ ।
देवशिलालाई भारतको अयोध्याका लागि जनकपुरबाट प्रस्थान गरिएको छ ।
यो विषयमा आफ्नो प्रतिक्रिया दिनुहोस् !