०७६, माघ ३ गते
प्रदेश २ का मुख्यमन्त्री लालबाबु राउत अवैध खोला उत्खन्नको विरोध गर्दा मृत्युवरण गरेका ओमप्रकाश महतोको घरमा पुगेका छन् । धनुषाको मिथिला नगरपालिका वडा नं. ५ श्रीपुरस्थित ओमप्रकाश महतोको घरमा उनको बुवा, आमालगायत पिडित परिवारका सदस्यहरुसंग भेटघाट गरेका हुन् । मुख्यमन्त्री राउतले पीडित परिवारलाई भेटेर हत्यामा संलग्न व्यक्तीहरुमापिथ हदैसम्मको कारबाही गराउन प्रदेश सरकारले आफनो तर्पmबाट कुनै कसर बाँकी नराख्ने बताएका हुन् ।

मुख्यमन्त्री राउतले प्रदेश सरकार हरसम्भव सहयोग गर्न तयार रहेको दिलिपको बुवा रामजीवन महतोलाई विश्वास दिलाएका हुन् । सो क्रममा मुख्यमन्त्री राउतले दिलिपको तस्वीरमा पुष्प अर्पण गरेर श्रद्धाञ्जली अर्पण समेत गरेका हुन् । प्रदेश सरकारले पाँच लाख रुपैयाँ राहतको घोषणा गरिसकेको छ । गएको शुक्रबार बालुवा, गिट्टी उत्खनन्को विरोध गरेको रामजीवन महतोको २४ वर्षिय छोरा दिलिप भनिने ओमप्रकाश महतोको रडले घोचि टिपरले किचेर हत्या गरिएको थियो । प्रदेश सरकारले यस अघि नै ५ लाख सहयोग गर्ने निर्णय गरि सकेको छ ।