०७६ माघ ५ गते ।
धनुषाको जनकनन्दनी गापा १ स्थित ईनवामा रेल तथा मेट्रो विकास भवनको आइतवार उद्घाटन गरिएको छ । सशस्त्र प्रहरी बल प्रदेश नं.२ छिन्नमस्ता बाहिनी मुख्यालय महोत्तरीका बाहिनीपति सशस्त्र प्रहरी नायव महानिरिक्षक राजु अर्यालले वोर्डर आउट पोष्टको विधिवत रुपमा उद्घाटन गरेका हुन् ।
सशस्त्र प्रहरीको पोष्टको स्थापनाले धनुषाको पूर्वी क्षेत्रका ४ हजार जनसंख्याले शान्ति सुरक्षाको प्रत्याभुति पाउने भएको छ । साथै कमला नदिको छेउका बासिन्दाहरुलाई यस पोष्टका सशस्त्र प्रहरीले बाढि पहिरोलगायतको विपद्को समयमा समेत सहयोग गर्ने महानिरिक्षक राजु अर्यालले कार्यक्रममा विश्वास व्यक्त गरेका थिए ।
ईनवा पोष्टको उद्घाटन सत्रमा सशस्त्र प्रहरी बल नेपाल जनकपुरको मुजेलियास्थित हेड क्वाटर धनुषाका गणपति सशस्त्र प्रहरी उपरिक्षक राजेश उप्रेतीले वि.ओ.पीको स्थापनाको उद्धेश्यमाथि प्रकाश पारेका थिए । कार्यक्रममा जनकनन्दनी गापा १ का वडा अध्यक्ष धर्मेन्द्र गोइतलगायतका स्थानियवासिन्दा, बुद्धिजिवी र प्रहरीहरुको सहभागिता रहेको थियो ।
