धनुषा, ०७६ माघ ११ गते ।
राजपा नेपाल अध्यक्ष मण्डलका संयोजक रहनुभएका पूर्वस्वास्थ्यमन्त्रि राजेन्द्र महतोले जनकपुरस्थित प्रादेशिक अस्पतालको अनुगमन गर्नु भएको छ । शनिवार विहान १० बजे जनकपुरको प्रादेशिक अस्पतालमा पुग्नु भएका महतोले अस्पतालको प्रसुती वार्ड, अप्रेशन कक्ष, इमरजेन्सी वार्ड, पोस्टअप वार्डलगायतको वार्डमा गएर विरामीहरुसंग भेट गरि अस्पतालको अवस्थाबारे जानकारी लिनुभएको हो ।
अस्पताल निरिक्षण गर्दै पूर्व स्वास्थ्यमन्त्रि महतोले आफू मन्त्रिभएको वेलामा समेत अस्पताल निरिक्षण गरेको स्मरण गर्नुहुदै तत्कालिन अवस्था र अहिलेको अवस्थामा अस्पतालमा खासै सुधार नभएको धारणा व्यक्त गर्नुभयो । उहाँले अहिले अस्पतालमा अझै समस्या विद्यमान छ, सुधारको आवश्यकता रहेकोले आउने दिनमा अस्पतालको सेवा सुविधामा सुधार गर्न अस्पतालका मेडिकल सुपरिटेडेन्ट डा. नागेन्द्र यादवलगायतका टिमलाई सुझाव दिनुभयो ।
अस्पतालमा देखिएको विद्यमान समस्यालाइ समाधान गर्नका लागि अल्पकालिन र दिर्घकालिन रणनिति लिनुपर्ने आवश्यकतामा उहाँले जोाड दिनुभएको छ । उहाँले प्रदेश सरकार र संघ सरकारले यस अस्पतालको सुधारको लागि सहयोग गर्नुपर्ने आवश्यकता रहेको बताउनुभयो । अस्पताललाई टिचिङ अस्पतालको रुपमा परिवर्तन गर्न जरुरी रहेको भन्दै अस्पतालको लागि चाहिने भौतिक पूर्वाधार सहित उपकरणहरु उपलब्ध गराउनका लागि सरकारलाई ध्यानाकर्षण गराउने प्रतिवद्र्धता व्यक्त गर्नुभयो । उहाँले जनकपुरको मुजेलियास्थित निमार्णाधिन अवस्थामै रहेको मणिपाल अस्पतालको भौतिक पूर्वाधार पुप्याएर आधुनिक अस्पतालको रुपमा रुपान्तरित गर्नुपर्नेमा सवै पक्षको सहयोग आवश्यक रहेको बताउनुभयो ।
अस्पताल निरिक्षणको क्रममा प्रदेश २ का सभामुख सरोज कुमार यादव, राजपा नेपालका महासचिव राजिव झा, जनकपुरधाम उपमहानगरपालिकाका मेयर लालकिशोर साह, अस्पताल विकास समितीका अध्यक्ष संजय कुमार सिंहलगायतको उपस्थिती रहेको महतोको स्वकिय सचिव किशोर गुरुले जानकारी दिनुभयो ।
दिपेन्द्रप्रसाद सिंह
