धनुषा, ०७६ माघ १४ गते ।
प्रदेश २ सांसद रामचन्द्र मण्डलले शितलहर पिडितको घरदैलोमा पुगेर कम्वल वितरण गरि रहनुभएको छ । नेकपा पार्टीबाट क्षेत्र १ को (ख) बाट प्रत्यक्ष निर्वाचित सांसद मण्डल आफनो निर्वाचन क्षेत्रमा ३ दिनदेखि निरन्तर कम्वल वितरण गर्दै आउनुभएको छ ।
मंगलवार धनुषाधाम नपाको वडा नं.१,२,५ मा पुगेर ४ सय ५० जनालाई कम्वल वितरण गर्नुभएको छ । धनुषाधाम नपाको वडा नं.५ को पर्वता, नौसयविगहा, देवकोटोल, वडा नं. २ को मंगलपुर, लक्ष्मीपुर, सिसमपुर, मुसहरनिया, धर्मपुर र जुगेश्वर र वडा नं.१ को कासीपुरका ४ सय ५० व्यक्तिलाई कम्वल वितरण गर्नुभएको छ ।
शितलहर पिडित हुनुभएका बृद्ध, ज्येष्ठ नागरिक, अपाङ, गरिव, विपन्नलगायतका व्यक्तिहरुलाई कम्वल वितरण गर्नुभएको नेकपाका युवा नेता दिपकुमार महतोले जानकारी दिनुभएको छ ।
यसअघि सोमवार हंसपुर नगरपालिकाको विभिन्न वडामा पुगेर सांसद मण्डलले ५ सय र मिथिलाविहारी नगरपालिकाको कजरामा १ सय ५० व्यक्तिलाई कम्वल वितरण गरि सक्नुभएको छ । बुधवार मिथिलाविहारी नपाको भुतही, मिथिलेश्वरमौवाही र ललियामा कम्वल वितरण गर्ने योजना रहेको सांसद रामचन्द्र मण्डलले बताउनुभएको छ ।
अपन मिथिला समाजको सहयोगमा सांसद मण्डलले २ हजार थान कम्वल वितरण गर्ने योजना रहेको बताउनुभएको छ । शितलहरको समयमा न्यानोपनका लागि थोरै भएपनि कम्वलले सहयोग गर्ने सांसद मण्डलको विश्वास रहेको छ ।
