धनुषा, माघ १६ गते ।
धनुषाको शहिदनगर नगरपालिको मेयर उदय बरबरिया यादवले शितलहर पिडितलाई कम्वल वितरण अभियान जारी राख्नु भएको छ । तराईमा अत्यधिक चिसोले पिडित हुनुभएका नगरका २ हजार भन्दा बढी परिवारलाई मेयर उदय कुमार वरबरियाले नगर र विभिन्न सामाजिक संघ संस्थाहरुसंग समन्वय गर्दै कम्वल वितरण गर्दै आउनुभएको छ ।
कम्वल वितरण कार्यक्रमलाई निरन्तरता दिदै मेयर बरवरियाले बुधवार धनुषाको निकै विकट मानिने हथमुन्डामा पुगेर १ सय २० जनालाई कम्वल वितरण गर्नुभएको छ । शितलहरबाट प्रभावित हुनुभएका बृद्ध, ज्येष्ठ नागरिक, अपाङ, गरिव, विपन्नलगायतका व्यक्तिहरुलाई कम्वल वितरण गर्दै आएको मेयर बरवरियाले क्षीरेश्वरनाथ डटकमलाई जानकारी दिनुभएको छ ।
शहिदनगर नगरपालिकाको विभिन्न वडामा पुगेर मेयर उदय बरबरिया यादवले २ हजार घरपरिवारलाई कम्वल वितरण गरि सक्नुभएको छ । सामाजिक संघ संस्थाहरुसंग समन्वय गरि अझै कम्वल वितरण गर्ने योजना रहेको मेयर उदय बरबरिया यादवले बताउनुभयो ।
यो विषयमा आफ्नो प्रतिक्रिया दिनुहोस् !