रौतहट, फागुन ११ गते ।
रौतहटमा ७० वर्षीय वुवालाई २५ वर्षीय छोराले हथौठा र धारिलो हतियार प्रहार गरि हत्या गरेको रहस्य खुलेको छ । जिल्लाको दुर्गा भगवती गाउँपालिका ३ मत्सरीको देवीपर्सा टोल बस्ने २५ वर्षीय राजकुमार पण्डित कुम्हारले माघ २७ गते विहान ३ बजे ७० बर्षीय वृद्ध वुवा फेकन पण्डित कुम्हारको हत्या गरेको रहस्य खुलेको छ । आफनै श्रीमती वुवाको ओछयानमा सुति रहेको देखेपछि रिस थाम्न नसकेर हत्या गरेको राजकुमारले प्रहरी समक्ष वयान दिएको प्रहरीले जनाएको छ ।
जिल्ला प्रहरी कार्यालय रौतहटले आयोजना गरेको पत्रकार सम्मेलनमा राजकुमारले पहिले हथौडाले प्रहार गरेका थिए । हथौडा प्रहार गरेपछि धारिलो हतियार प्रहार गरेर विभत्स तवरबाट हत्या गरेको प्रहरी समक्ष वयान गरेको प्रहरी उपरिक्षक रबीराज खड्का बताएका छन् ।
जिल्ला प्रहरी कार्यालय रौतहटका एसपी, अनुसन्धान अधिकृत प्रहरी निरीक्षक नविनकुमार सिह सहितको पाँच सदस्यीय टोलीले तालिम प्राप्त कुकुरको प्रयोग गरि मृतककै छोराले हत्या गरेको अनुसन्धानबाट खुलाएको छ ।
बुहारीसंगको अनैतिक सम्बन्धले हत्या
२०७६ साल माघ २६ गते बेलुकी करिब ८ः०० बजेको समयमा खाना खाएर फेकन गोठमा सुत्न गएको र राजकुमार ३ जना छोरा सहित श्रीमती घरमै सुतेको थियो । तर विहान ३ बजेको समयमा श्रीमतीलाई ओछ्यानमा नहेर्दा खोज्दै गोठमा पुग्दा त्यहा बसेको देखेपछि रिस थाम्न नसकी गोठमै रहेका घरेलु हतियार प्रहार गरेर वावुको हत्या गरेका थिए ।
छोरा राजकुमारले श्रीमतीलाई बावुको ओछ्यानमा हेर्दा रिसको आवेशमा आएर टाउकोमा हथौडाले ४र५ पटक अन्धाधुन्ध प्रहार गर्नुका साथै धारिलो घाँस काट्ने गडासीले अनुहारमा ४र५ पटक हिर्काएर हत्या गरेको थियो । हत्या गरेपछि घरमा आएर लुगा बदले ।
श्रीमतीलाई कसैलाई नभन्नु भनेका थिए । घटना पछि पिडक राजकुमार र उनको श्रीमती सहित अन्य ४ जनालाई नियन्त्रणमा लिएर अनुसन्धान गर्दा घटनाको सत्यता बाहिरीयो अभियुक्त अपराध स्वीकार गरे ।
पिडिकको श्रीमती फागुन ७ गते जिल्ला प्रहरी कार्यालय श्रीमान विरुद्ध दिएको किटानी जाहेरीको आधारमा मुलुकी अपराध संहिता २०७४ को ज्यान कसुर अन्तर्गत मुद्दा दर्ता गरी रौतहट जिल्ला अदालतबाट फागुन ८ गते ५ दिनको म्याद थप गरेर अनुसन्धान भईरहेको एसपी खड्काले भने ।
अभियुक्तको ५ बर्ष, साढे तिन बर्ष र २ बर्षको छोरा रहेको छ उनी गंगापिपरा बजारमा किराना पसल थापेर व्यवसाय संचालन गर्दै आएको छ ।
यो विषयमा आफ्नो प्रतिक्रिया दिनुहोस् !