धनुषा, ०७६ फागुन २७ गते ।
धनुषाको नगराइन नगरपालिका–२ जटहीका सुकदेव सदा र बेचनी सदाकी २० वर्षीया छोरी पूजा सदा र धनुषाको मिथिला विहारी नगरपालिका बस्ने रोहित सदाका २१ वर्षीय छोरा सुशील सदासंग फागुन २५ गते विवाह हुने सहमति भएको थियो । २ आना सुन र १२५ सि सिको मोटरसाइकल माइती पक्षले दाइजोमा दिने गरि फागुन २५ गते पुजा र सुशीलविच विवाहका गरिने दुवै परिवारविच सहमति भएको थियो ।
विवाहको लागि पूर्वसहमतिअनुरुप फागुन २५ गते आइतवार साँझ जटहीमा बेलुही पुजाको घरमा विवाहको सम्पूर्ण तयारी समेत गरियो, विवाहको स्वम्वरको लागि पण्डाव गाडिएको थियो, मडवा बनाइयो, सयौ जनाले खाने खाना पकाइएको थियो भने घरमा विवाहको गित डिजेमा बजि रहेकोा थियो, घरमा आफन्त, नातागोता र छरछिमेकहरुको आवतजावत भई रहेको थियो । तर पूर्वसहमति अनुरुप बेहुला पक्ष फागुन २५ गते अवेर साँझ विवाह गर्न नआउने फोनमा जानकारी दिएका थिए । कारण थियो विवाह पूर्व नै केटा पक्षले दहेजमा मागेको मोटरसाइकल केटी पक्षले दिएका थिएनन् । विवाहको लागि सम्पूर्ण तयारी गरिएपनि बेहुला पक्ष विवाह गर्न नआएपछि बेलुही पक्ष थप आर्थिक मारमा परेका छन् ।
आर्थिक अवस्था निकै कमजोर भएपनि बेचनी सदाले छोरीको विवाह उत्सव मनाउनका लागि ५ लाख रुपैयाँ ब्याजमा लिएर सबै तयारी गरेकी थिइन् । तर फागुन २१ गते अवेर साँझ केटा पक्षले फोन गरेर ‘दाइजोका रुपमा मोटरसाइकल पहिले नै नदिएकाले अब जन्ती नआउने खवर दिएको दुलहीका आमा बेचनी सदाले बताइन् ।
नगराइन नगरपालिकाका उपमेयर रञ्जु देवी साहले हामीले दहेजमुक्त समाज निमार्णका लागि अभियान चलाउने बताउँदै दहेजकै लागि विवाह गर्न नआउने केटा पक्षलाई कारवाहीका लागि पहल गर्ने बताएकी छिन् । धनुषाका प्रमुख जिल्ला अधिकारी प्रदिपराज कणेलले दाइजोको कारण विवाह गर्न जन्ती नलिएर आएको बारेमा प्रशासनमा उजुरी गरेको खण्डमा केटा पक्षलाई कारवाही गरिने बताएका छन् ।
यता, ‘मोटरसाइकल विवाह पहिले नै नदिएको भन्दै विवाह गर्न नआएको सजिएकी दुल्ही पुजा कुमारी सदाले दहेज लोभी केटासंग विवाह नगर्ने बताएकी छिन् । उनले भनिन् दहेजको लागि विवाह गर्ने केटासँग बिहे गरेर म के गरौँला र? भोलि कुनै बहानामा कुटपिट गर्न सक्छन्, तर दहेजकै लागि विवाह गर्न नआएकाले त्यस्ता व्यक्तिलाई कारवाही हुनुपर्ने माग गरेकी छिन् ।
