धनुषा, ०७६ चैत्र १ गते
धनुषाको क्षिरेश्वरनाथ न.पा. वडा नं. १ र २ रमदैया टोलमा विषादयुक्त रक्सी सेवनले ८ जनाको मृत्यु भएको जिल्ला प्रहरी कार्यालय धनुषाले दावि गरेका छन् । विषादयुक्त रक्सी सेवनले ६ जनाको उपचार भई रहेको जनाएको छ ।
जनकपुरधाम उपमहानगरपालिका ७ मुसहरी टोलमा चैत्र १ गते ३ जनाको विषादयुक्त रक्सी सेवनले मृत्यु भएको छ भने ३ जना सिकिस्त विरामी भई उपचारका प्रादेशिक अस्पताल जनकपुरमा उपचार भई रहेको छ ।
जिल्ला प्रहरी कार्यालय धनुषाका अनुसार मृत्यु हुनेहरुमा क्षिरेश्वरनाथ नपा २ रमदैया बस्ने ३५ वर्षीय ब्रहमदेव यादव, वर्ष ४० वर्षीय राम बिलास मण्डल, ६५ वर्षीय गुदरी महराको फागुन २९ गते मृत्यु भएको हो ।
मृत्यु हुनेमा क्षिरेश्वरनाथ न.पा. वडा नं. १ रमदैया बस्ने ३६ वर्षीय राम नारायण महरा, जनकपुर उपमाहानगरपालिका वडा नं. देवपुरा रुपैठा घर भई क्षिरेश्वरनाथ नगरपालिका वडा नं.२ रमदैयाको बेचन महराको छोरी ज्वाई ससुराली घरमा आएको ३० वर्षीय राजु महरा, २७ वर्षीय ईन्द्रजीत महरा, ४७ वर्षीय शत्रुधन मण्डलको फागुन ३० गते मृत्यु भएको हो ।
उपचारको क्रममा चैत्र १ गते क्षिरेश्वरनाथ न.पा. वडा नं.२ रमदैया बस्ने ६५ वर्षीय श्रीदेव यादवको मृत्यु भएको प्रहरीले जनाएको छ ।
यता, जनकपुरधाम उपमहानगपालिका –७ मुसहरी टोलका ३६ वर्षीया बनारसी देवी सदा, ३५ वर्षीया मिथिला सदा र ४० वर्षीय झगरु सदा रहेको वडा नं. ७ का वडा अध्यक्ष जानकीरमण साहले जानकारी दिएका छन् । होलीको अवसरमा रक्सी खाएका बनारसी देवीको फागुन ३० गते साँझ र मिथिला सदा र झगरु सदाको चैत्र १ गते बिहान मृत्यु भएको हो । मदिरा सेवन गरे पाँच जनाको प्रादेशिक अस्पताल जनकपुरमा उपचार भई रहेको छ ।
विरामीहरुको विभिन्न अस्पतालमा उपचार हुदै
क्षिरेश्वरनाथ नगरपालिका वडा नं.१ रमदैया बस्ने ३७ वर्षीय राम ईश्वर महराको जानकी हेल्थ केयरमा उपचार भई रहेको छ । सोही नपा –२ रमदैया बस्ने २३ वर्षीय प्रदिप सदा , ५० वर्षीय भरत मण्डल, ४४ वर्षीय मनिर नदाफ, २२ वर्षीय भरत सदा, ५० वर्षीय सिताराम यादवको जानकी मेडिकल कलेज रमदैया भवाडीमा उपचार भई रहेको जिल्ला प्रहरी कार्यालय धनुषाका डिएसपी रामेश्वर कार्कीले जानकारी दिनुभएको छ ।
विषादयुक्त रक्सी बेच्ने ७ पक्राउ

विषादयुक्त रक्सी बेच्ने ७ जनालाई जिल्ला प्रहरी कार्यालय धनुषाले पक्राउ गरेको छ । पक्राउ पर्नेहरुमा महोतरीको भंगहा न.पा. वडा नं.३ सखरी टोल बस्ने ४७ वर्षीय जगत नारायण मण्डल, धनुषाको लक्ष्मिनिया गा.पा.वडा नं. ६ बगेवा बस्ने २४ वर्षीय नविन यादव, क्षिरेश्वरनाथ न.पा. वडा नं.२ रमदैया बस्ने ४५ वर्षीय तारापटी बाली भनिने छठिया देबी मण्डल, वडा न २ रमदैया बस्ने ४१ वर्षीय जय कुमार यादव, जनकपुर उ.म.न.पा.वडा नं.१४ रजौल बस्ने ३५ वर्षीया सितल देबी यादव, लक्ष्मिनिया गा.पा.वडा नं.६ बगेवा बस्ने ५० वर्षीय घुरन यादव, क्षिरेश्वरनाथ न.पा.वडा नं.२ रमदैया बस्ने ४८ वर्षीय रामनन्दन साह रहेका छन् ।