धनुषामा फेरि अर्का औषधी व्यवसायीमाथि आक्रमण, अवस्था गम्भिर

धनुषा, ०७६ चैत्र २ गते ।
धनुषाको क्षिरेश्वरनाथ नपा–६ नयाँ सखुवाबजारमा एक औषधी व्यवसायीमाथि अज्ञात व्यक्तिले आक्रमण गरेको छ । अज्ञात समुहको आक्रमणमा परेर महेशलाल कर्णका २२ वर्षीय छोरा शशीलाल कर्ण गम्भिर घाइते हुनुभएको छ ।
गएराति ८ बजे आफनै औषधी पसलमा बसि रहेको बेलामा रातो अपाचे मोटरसाइकलमा आएर २ जना युवाले पसलभित्र छिरेर अचानक हेल्मेटले टाउकोमा आक्रमण गरेपछि अचेत भएका शशीको जनकपुरस्थित प्रादेशिक अस्पतालमा उपचार सम्भव नभएपछि सुनसरीको धरानस्थित विपी कोइराला स्वास्थ्य विज्ञान प्रतिष्ठान धरानमा उपचार भई रहेको पिडितका वुवा महेशलाल कर्णले बताउनुभएको छ ।
घटनाबारे जानकारी पाएलगतै इलाका प्रहरी कार्यालय महेन्द्रनगरका प्रहरी टोली पुगेर घटनाबारे जानकारी लिदै आक्रमण गरि फरार व्यक्तिहरुको खोजी कार्यमा लागेको प्रहरी इन्स्पेक्टर पप्पु नायकले जानकारी दिनुभयो ।
दिपेन्द्रप्रसाद सिंह