धनुषा, ०७६ चैत्र ३ गते ।
धनुषा क्षेत्र नं. ४ का प्रतिनिधीसभा सांसद पूर्वमन्त्रि रघुवीर महासेठले विषादयुक्त मदिरा खाएर मृत्युवरण गरेका परिवारलाई आर्थिक सहयोग गरेका छन् । आइतवार मृतक परिवारको घरमा पुगेर रमदैयामा दारु खाएर मृत्युवरण गरेका १४ मृतक परिवारजनालाई प्रति मृतक २० हजारको दरले क्रिया खर्च उपलब्ध गराएका छन् ।
मृत्यु भएका व्यक्तिहरुको घर परिवारको आर्थिक अवस्था निकै नाजुक रहेको वेलामा मन्त्रि महासेठले आफनो व्यक्तिगत रुपैया सहयोग गरेपछि स्थानियहरुले मन्त्रि महासेठको प्रंशसा गरेका छन् ।
अवैध तरिकाले गाउँमै उत्पादन गरिदै आएको रक्सी खाएपछि विरामी भएरै रमदैयामा १४ जनाको मृत्यु भई सकेको छ । ६ जना अझै विरामी भई अस्पतालमा उपचारका लागि भर्ना भएका छन् । गाउँहरुका अनुसार होलीको अवसरमा रक्सी खाएर मर्ने भटटीमा ५० जनाभन्दा बढीले त्यो स्थानमा रक्सी खाएका थिए । रक्सी खाएका सवै जनालाई स्वास्थ्य चेकजाँच गराउनका लागि मन्त्रि महासेठले आग्रह समेत गरेका छन् ।