धनुषा, ०७६ चैत १४ गते
जलेश्वर नपा– १७ स्थाय घर भई हाल जनकपुरधाम उपमहानगरपालिका–४ बस्दै आएकी २० वर्षिय युवतीले बलात्कारीलाई प्रहरीले भगाएको आरोप लगाएकी छिन् ।
जिल्ला प्रहरी कार्यालय धनुषामा आफुमाथि बलात्कार गरि ४ महिनाको गर्भवती भएको घटनाबारे माघ १० गते नै उजुरी दिएको भएपनि प्रहरीले उजुरी दर्ता नगरि आरोपितलाई भगाएको आरोप लगाउनुभएको छ ।
प्रहरीले उजुरी दर्ता नगरेपछि वकिलबाट उजुरी लेखाएर पुनः फागुन ५ गते दिएको उजुरी चैत २ गते दर्ता भएको थियो । पीडित युवती अहिले ५ महिनाको गर्भ लिएर दैनिक जिल्ला प्रहरी कार्यालयमा आरोपितलाई पक्राउ गर्न गुहार्दै आएको भएपनि अहिले कोरोना भाइरसले गर्दा आरोपित फेला परेको खण्डमा समेत नसमात्ने भन्दै गैरजिम्मेवारीपूर्ण जवाफ प्रहरीले दिदै आएको पीडित युवतीले गुनासो गरेकी छिन् ।
क्षिरेश्वरनाथ नपा–५ स्थाय घर भई जनकपुरधाम उपमहानगरपालिका–४ मा डेरा गरि बस्दै आएका २० वर्षीय युवा शिवराज श्रेष्ठले विवाहको प्रलोभन देखाउँदै डेढ वर्षदेखि बलात्कार गर्दै आएको पीडित युवतीको आरोप छ । आफु गर्भवती भएको थाहा पाएपछि केटा गर्भ तुहाउन दवाव दिएपछि आफुलाई विवाहको प्रलोभन दिएर बलात्कार गर्दै आएकाले न्यायको लागि जिल्ला प्रहरी कार्यालय धनुषामा बलात्कार विरुद्धको उजुरी दर्ता गराउँदा समेत आरोपितलाई प्रहरीले नै भगाएको बताउनुभयो ।
प्रहरीलाई घटनाबारे औपचारिक रुपमा थाहा भएको २ महिना विति सक्दा समेत प्रहरीले आरोपित पक्राउ गर्न चासो नलिएको पीडित युवतीको आरोप छ । पीडित परिवारका अनुसार प्रहरी कार्यालयमै आरोपित केटाका आफन्तहरु कार्यरत रहेकाले गर्दा प्रहरीले आफनो कर्मचारीहरुको दबाबमा आएर आरोपित लाई गिरफतार गर्न आनाकानी गर्दै आएको आरोप लगाउनुभयो ।
यो विषयमा आफ्नो प्रतिक्रिया दिनुहोस् !