दिपेन्द्रप्रसाद सिंह
धनुषा, ०७६ चैत १४ गते ।
जनकपुरधाम उपमहानगरपालिका–८ स्थित बारह् विगहा रंगभूमि मैदानमा बालबच्चासहित ४० भारतीय नागरिक अलपत्र परेका अवस्थामा रहनुभएको छ । भारत महाराष्ट्रका भोपाला जिल्ला बताउने ती व्यक्तिहरु बारह् विगहा रंगभुमि मैदानमा प्लाष्टिकको टेन्टभित्र बस्नु भएको छ ।
माटोको गिलास, कप, प्लेटलगायतको व्यापार गर्दै आएका ती व्यक्तिहरु बारह् विगहा रंगभुमि मैदानमा अस्थायी टेन्ट भित्र बस्दै आउनुभएको छ ।
अस्थायी टेन्टमा बस्दै आएका ३५ वर्षीय कृपाल भोसलेका ३ बच्चा श्रीमती रहेको छ । प्लाष्टिकको झुपडी भित्र उनका ३ बच्चा पनि छन् । व्यापार गर्ने क्रममा परिवारसहित आएका कृपाल भोसललेका बस्ने, सुत्ने, खाने लगायतका सरसफाइको बारेमा खासै ज्ञान छैनन् । जीवन जिउनुछ, जसरी पनि बाँचि रहेका छौं, ५ दिन अगाडी मोटरसाइकलले छोरी राजश्री भोसलेको खुटटामा घाउ लागेर ५ हजार उपचारमा खर्च गरि सकेका छन् ।
मोटरसाइकल चालक फरार भएपछि अहिले छोरीको उपचार गर्ने, खाना खाने समेत पैसा छैन्, भारत जाने कुनै उपाय नरहेकाले गर्दा जसोतसो आफुहरु जिवनयापन गर्दै आएको कृपाल भोसलले बताउनुभयो ।
विश्वभर कोरोना भाइरसको संक्रमण बढ्न थालेपछि सतकर्ता अपनाउँदै नेपाल सरकारले चैत ११ गतेदेखि लक डाउन घोषणा गरेपछि दैनिक गुजारा गर्दै जिवनयापन गर्दै आएका यी व्यक्तिहरुको अवस्था नाजुक भएका छन् । दैनिक मजदुरी र व्यापार गरेर जिवनयापन गर्दै आएका यी ४० व्यक्तिको अवस्था निकै खराव रहेको छ ।
अस्थायी टेन्टभित्र चर्को घामका विच बस्नुपर्ने बाध्यता छ, वर्षा परेको खण्डमा आफुहरुलाई बस्न अझै समस्या हुने भएकाले आफुहरुलाई सहयोग गर्न ५५ वर्षीय कैलास भोसलेले आग्रह गर्नुभएको छ । कैलास भोसलले भन्नुहुन्छ ‘सर यो बन्दी कहिले सम्म रहन्छ ? कसरी हामी खाना खान्छौं, हामीसंग अव खाने खाद्यान्न छैनन्, किन्न पैसा छैन्, बजार खुलेको छैन् व्यापार व्यवसाय गर्न सकेको छैन्, प्रहरीले बाहिर जान दिएको छैन, यस्तो अवस्थमा बालबच्चा र आफु भोक भोकै बस्नुपर्ने बाध्यता रहेको उहाँले बताउनुभयो ।
यता, अस्थायी टेन्टमै बस्दै आएका ३५ वर्षीय राजकुमार वासुदेव फुवारलाई घरमा छोडेर आएका ३ छोरीहरुको यादले निकै पिरोलि रहेको बताउनुभयो । उहाँले भन्नुभयो, अहिले हामी जे अवस्थामा छौ, हामीले भोगि रहेका छौं, आफुहरुलाई खाना खाने अन्न छैनन्, किन्ने रुपैया समेत नरेकाले ६ जना परिवारका सदस्यसहित आएका राजकुमारलाई चाँडो भन्दा चाँडो अवस्था सहज भए आफुहरुलाई सहज हुने बताउनुभयो ।
६ जना सदस्यको परिवारमा भोलीदेखि के खाने भनेर चिन्ता छ, उहाँहरुलाई भारतमा समेत २१ दिनको लक डाउन भएको थाहा छ, त्यसैले घरमा छोरीहरु समेत कसरी लामो लकडाउनमा बसेको होला भनेर अझै धेरै चिन्ताले पिरोलिदै गरेको बताउनुभयो ।
खुल्ला स्थानमा सामान्य पातलो प्लाष्टिक झुन्ड्याएर बालबच्चासहित बसोवास गर्दै आएकाले यी ४० व्यक्ति जुनसुकै बेलामा कुनै प्रकारको रोग र भाइरसको शिकार हुन सक्ने जोखिमपूर्ण अवस्थामा रहनुभएको छ ।
सरसफाइदेखि लिएर शौचालय र खानेपानीको समेत कुनै व्यवस्था नरहेपछि २ महिनादेखि अस्थायी टेन्टमा बस्दै आएको रामकुमारी भोसलले बताइन् । ४० व्यक्ति यस अस्थायी टेन्टमा १० जना बच्चा ५ वर्ष मुनिका रहेका छन् । बच्चाहरुको सरसफाई र लुगाकपडा समेत अभाव रहेको छ ।
रामकुमारीले छिटटै बन्दी खुले हामी काम गरेर जीवनयापन गर्ने थियौं तर यसरी हामी बस्नुपर्दा कमाई हुदैन अनि खानेकुराको अभावले हामी कसरी बाँच्ने विलौना गर्दै आएकी छिन् ।
यता, जनकपुरधाम उपमहानगरपालिकाका उपमेयरलाई बारह् विगहा रंगभुमि मैदानमा ४० भारतीय व्यक्ति अलपत्र परेको बारेमा जानकारी गराउँदा उहाँले नगरपालिकाको कार्यपालिकाको बैठकबाट निर्णय गरेर आवश्यक सहयोग गर्ने बताउनुभएको छ ।
यता, ४० व्यक्ति निकै जोखिमपूर्ण रुपमा खुल्ला स्थानमा रहेपनि अहिलेसम्म कुनै पनि संघसंस्था वा व्यक्तिहरुले आफुहरुको अवस्थाबारे कुनै चासो नलिएको बताउँदै राजकुमारले भने हामी भारत पनि जाने अवस्थामा छैनौं । निकै चिन्ता लागि रहेको छ । हामीलाई भारत जाने वातावरण मिलाई दिएको खण्डमा जान चाहेको बताउनुभयो ।
यो विषयमा आफ्नो प्रतिक्रिया दिनुहोस् !