धनुषा, ०७६ चैत २४ गते ।
प्रदेश २ सरकारले संचालन गरेको कोरोना भाइरस संक्रमण नियन्त्रण तथा उपचार कोषमा ४८ लाख रुपैया सहयोग भएको छ । प्रदेश २ का प्रदेशवासीहरुमा कोरोना भाइरसको संक्रमण देखिएको खण्डमा गरिने उपचार तथा यसको नियन्त्रण र न्युनिकरणका लागि गरिने प्रयासका लागि सहयोग कोषको स्थापना गरिएको छ । प्रदेश २ को कोषमा विभिन्न संघ–संस्थाहरुबाट सोमवार विहानसम्म ४८ लाख १ हजार रुपैँया जम्मा भएको हो ।
कुन बैंकले कति सहयोग गरे
प्रदेश २ का मुख्यमन्त्रीका सचिवालयका अनुसार सिद्धार्थ बैँक जनकपुर शाखाले रु. १० लाख, जनकपुरस्थित होटेल वेलकमले रु.१ लाख १ हजार, नेपाल बैँक लिमिटेड जनकपुर शाखाले रु.५ लाख, कृषि विकास बैँकले रु.५ लाख, सिटिजन्स बैँकले रु.७ लाख, कुमारी बैँकले रु.५ लाख, सिभिल बैँकले रु. ५ लाख र माछापुछ्रे बैँकले रु. ५ लाख कोषमा जम्मा गरेको हो ।
अहिलेसम्मको रेकर्ड हेर्दा जनकपुरमा शाखा रहेका केन्द्रिय बैंकहरुले बढी भन्दा बढी कोषमा सहयोग गरेका छन् । प्रदेश २ सरकारको कोषमा ४८ लाख १ हजार रुपैया जम्मा भई रहँदा विभिन्न बैंकहरुले ४३ लाख सहयोग गरेको देखिन्छ । यसबाट प्रष्ट हुन्छ कि प्रदेश २ कोरोना भाइरस रोकथामका लागि बैंकहरुले सहयोग गर्न तत्परता देखाएको छन् ।
अन्य संघ, संस्था, एनजिओ, व्यापारी, कलकारखाना, उद्योगहरु भने कोषमा सहयोग गर्न सकेको छैनन् । प्रदेश २ को कोरोना भाइरस कोषमा अन्य संघसंस्थाहरुले सहयोग उतिकै तदारुक्ताका साथ सानो रकम भएपनि सहयोग गर्नुपर्ने प्रदेश २ का एक मन्त्रिले बताए ।
प्रदेश सरकारले राष्ट्रिय वाणिज्य बैंकको जनकपुर शाखामा कोरोना भारइस संक्रमण, रोकथाम, नियन्त्रण तथा उपचार कोष खातामा दाताहरुलाई सहयोगका लागि अपील गरेका छन् । कोषको खाता नं. १२२०५०३०००००१ रहेको छ ।
यो विषयमा आफ्नो प्रतिक्रिया दिनुहोस् !