धनुषा, ०७६ चैत २७ गते ।
धनुषाको १८ वटा स्थानिय तहमध्ये १६ वटा स्थानिय तहले आफनो पालिकाको तर्फबाट क्वारेन्टाइन निमार्ण गरेका छन् । धनुषामा अहिलेसम्म १६ वटा स्थानीय तहले ३ सय ५३ बेड क्षमताको क्वारेन्टाइन निमार्ण गरेको छ । चैत २६ गतेसम्म ९३ जना क्वारेन्टाइनमा रहेका छन् ।
धनुषामा ३२ वेडको आइसोलेशनको व्यवस्था गरिएकोमा अहिले प्रादेशिक अस्पताल जनकपुरमा १२ वेडको आइसोलेशन संचालनमा ल्याइएको छ । चैत २६ गते बेलुकासम्म १० जना आइसोलेशनमा विरामी रहेको स्वास्थ्य निर्देशनालय प्रदेश २ का अधिकृत विजय झाले बताए ।
धनुषामा चैत २६ गतेसम्म गणेशमान चारनाथ नगरपालिकामा २४ वेड क्षमताको क्वारेन्टाइनको स्थापना गरेको छ । क्वारेन्टाइन स्थापना गर्ने पालिकाहरुमा धनुषाधाम नगरपालिकामा ३८ वेड क्षमता, सबैला नगरपालिकामा २५ वेड क्षमता, मिथिला नगरपालिकामा १० वेड क्षमता, क्षीरेश्वरनाथ नगरपालिकामा ११ वेड क्षमता, विदेह नगरपालिकामा २५ वेड क्षमता, शहिदनगर नगरपालिकामा ३० वेड क्षमता, कमला नगरपालिकामा १५ वेड क्षमता, मिथिला बिहारी नगरपालिकामा ७ वेड क्षमता, हंसपुर नगरपालिकामा ११ वेड क्षमता, जनकनन्दनी गाउँपालिकामा २० वेड क्षमता, बटेश्वर गाउँपालिकामा २५ वेड क्षमता, लक्ष्मीनीया गाउँपालिकामा ७ वेड क्षमता, औरही गाउँपालिकामा १६ वेड क्षमता र धनौजी गाउँपालिकामा १४ वेड क्षमता बेड क्षमता रहेको क्वारेन्टाइनको निर्माण गरेको छ ।
जनकपुरधाम उपमहानगरपालिकाले क्वारेन्टाइनको व्यवस्था नगरेपछि वडा नम्बर ७ का वडाध्यक्ष जानकीराम साहले आफ्नो वडामा ८ बेड क्षमता भएको क्वारेन्टाइन सञ्चालनमा ल्याएका छन् ।
अहिलेसम्म आधिकारिक रुपमा जनकपुरधाम उपमहानगरपालिका, नगराइन नगरपालिका र भारतको सिमानाकामा रहेको मुखियापटटी मुसहरनिया गाउँपालिकाले क्वारेन्टाइन स्थापना गरेको छैन् ।
जनकपुरधाम उपमहानगरपालिकाले जनकपुरधाम उमनपा–१४ स्थित निमार्णधिन अवस्थामा अलपत्र रहेको मणिपाल शिक्षण अस्पतालमा क्वारेन्टाइन बनाउन अनुगमन गरेको भएपनि अहिलेसम्म क्वारेन्टाइन निमार्ण गरेको छैन् ।
उमहानगरपालिकाका उपप्रमुख रिता झाले जनकपुरधामको मुजेलीया, बसहिया लगायतका विभिन्न ठाउँमा क्वारेन्टाइन निर्माण गर्न नगरले अग्रसरता देखाउँदा स्थानियको विरोधका कारण निमार्ण हुन नसकेको बताए ।
यता, प्रदेश २ सरकारको सामाजिक विकास मन्त्रालयअन्तर्गत स्वास्थ्य निर्देशनालयले नगराइन नपा–५ गंगुलीमै क्षेत्रीय क्वारेन्टाइन मिथिला आयुर्वेद कलेजमा ७५ वेडको क्षमताको क्वारेन्टाइन स्थापना गरेको धनुषाका प्रमुख जिल्ला अधिकारी कोषहरि निरौलाले बताए । क्षेत्रीय क्वारेन्टाइन स्थलमै ३२ बेड क्षमताको आइसोलेशनको तयारी समेत भई रहेको अधिकारी निरौलाले बताए ।
धनुषामा हालसम्म १६ वटा ठाउँमा ३ सय ५४ वेड क्षमताका क्वारेन्टाइनको व्यवस्थापन गरिएको छ । हालसम्म ९६ जना क्वारेन्टाइनमा रहेको छ । ५६ जना होम क्वारेन्टानमा रहेको छ । धनुषामा १२ वेड क्षमताको आइसोलेशनमा ७ जना विरामी रहेका छन् ।
