धनुषा, ०७७ बैशाख १ गते
जनकपुरधामस्थित प्रादेशिक अस्पतालको परिसरमा स्थापना गरिएको नेपाल रेडक्रस सोइसाइटीमा रगत अभाव भएको छ । रगत आदान प्रदान गर्ने एक मात्र संस्था रेडक्रसको मौज्दात सुचिमा रगत नभएपछि अहिले विरामीका परिवारलाई स्वयम् आफै रगत खोज्नुपर्ने बाध्यता रहेको छ ।
संचारकर्मी प्रिती झा वैशाख १ गते आफनो फेसवुक पेज (सामाजिक संजाल) मा पोस्ट गर्दै लेखेकी छिन् ‘मैले आफै एक विरामीका लागि रगत दान गरेको छु । रगतदान गर्न जाँदा रेडक्रसमा दान गर्ने कम र रगत लिनेको संख्या निकै बढी छ । अहिले सवैजना समाजसेवीहरु फेसवुकमै देखावा गरेको जस्तो आफुलाई महसुस भएको छ । अहिलेको यस्तो संकटको समयमा रगत नपाएर कतेकौं विरामी छटपटाई रहेको छ ।
रेडक्रसमा रगत छैनन्, हामीले रगतदान गर्न जरुरी रहेको छ’ ।
यस अघि पनि सिरहा जिल्लाको सिरहा नगरपालिका–१३, फूलबरियाका जितेन्द्र यादव रक्तअल्पताका बिरामी हुन् । स्वास्थ्यमा समस्या देखिएपछि २२ वर्षीय यादवलाई चैत २५ गते प्रादेशिक अस्पताल जनकपुरधाममा भर्ना गरियो ।
उपचारको क्रममा उनको शरिरमा रगत अभाव रहेकाले तत्कालै दुई पाउण्ड रगत चढाउनुपर्ने चिकित्सकले सल्लह दियो, तर चैत २६ गते बेलुकासम्म पनि रगत चारैतिर खोज्दा समेत पाउन सकिएन् ।
नेपाल रेडक्रसमा कुनै पनि प्रकारको रगत नभएपछि विरामी जितेन्द्रलाई आवश्यक बि निगेटिभ रगत खाज्न निकै नै सास्ती बेहोर्नुपप्यो ।
रक्तअल्पता रोगका कारण जीवन–मरणको दोसाधमा रहेका यादवलाई संचारकर्मी मनोज मोरबैताको पहलमा चैत २६ गते जिल्ला युवा सञ्जाल धनुषाका सदस्य समेत रहेका जनकपुरधाम उपमहानगरपालिका १९ कपिलेश्वरका अभिनास साह र सिरहा जिल्लाकोे सिरहा नगरपालिका निवासी सुदन कुसियैतले रक्तदान गरेका थिए ।
रेडक्रमसको रक्तसञ्चार केन्द्रका एक पाउण्ड समेत कुनै ग्रुपको रगत नभएको प्राविधिक नरेश यादवले बताउनुभयो । ‘पछिल्लो तीन सातायता कसैले पनि यहाँ रक्तदान गरेको छैन,’ उनले भने, ‘यहाँ मौज्दात रहेको रगत एक साताअघि नै सकि सकिएको छ ।’
दैनिक १० देखि १२ पाउण्ड रगत खपत हुने जनकपुरधाममा अहिले रगत चाहिने बिरामीहरुलाई आफैं रगत खोज्नुपर्ने बाध्यता रहेको छ । रेडक्रस सोसाइटी जनकपुरको रगत शाखाका कर्मचारी हरि साहले सामाजिक संजालमा रगत अभाव भएको भन्दै रगत दान गर्न आह्वान गरेका छन् ।
दीपेन्द्रप्रसाद सिंह
