धनुषा, ०७७ बैशाख २७ गते ।
जनकपुरधाममा एक हप्तामा २ जना महिलाका हत्या भएको घटना सार्वजानिक भएको छ । जनकपुरधाम उमनपा– १३ राउत टोल बस्ने २५ वर्षीय मदन राउतको २० वर्षीया संगिता राउतको बैशाख २१ गते राति शंकास्पद अवस्थामा घरमै लास फेला परेको थियो । २ वर्षकी एक छोराकी आमा रहेकी राउत २ महिनाको गर्भवती अवस्थामा बैशाख २१ गते राति मृत अवस्थामा फेला परेपछि प्रहरीले अनुसन्धान थालेको छ ।
घरमै मृत अवस्थामा फेला परेको राउतको शरिरको विभिन्न भागमा निलडाम र चोटपटक लागेको देखेपछि पिडित माइती पक्षका मामा विल्टु राउतले जिल्ला प्रहरी कार्यालय धनुषामा बैशाख २२ गते भान्जीको उनकै श्रीमान मदन राउतले कुुटपिट गरि हत्या गरेको भनि किटानी जाहेरी दर्ता गराउनुभएको जिल्ला प्रहरी कार्यालय धनुषाका डिएसपी रामेश्वर कार्कीले बताउनुभयो ।
जाहेरी दर्तापछि शवको पोस्र्टमार्टम बैशाख २२ गते प्रादेशिक अस्पताल जनकपुरमा भएको र पोस्र्टमाटमको रिर्पोट बैशाख २७ गते बेलुका ६ बजेसम्म नआएकाले आफुहरुले घटनाबारे अहिलेसम्म थप अनुसन्धान गर्न नसकेको बताउनुभयो ।
यता, जनकपुरधाम उपमहानगरपालिका–३ किशोरीनगरमा शंकर दासकी ४० वर्षीया श्रीमती दिपाली देवी दास बैशाख २६ गते विहान मृत अवस्थामा आफनै घरमा फेला परेको छिन् । घटनास्थलमा जानकी प्रहरीचौकीका टोली पुग्दा मृतक दिपालीको शरिर आधी ढोकाभित्र र आधा शरिर ढोका बाहिर रहेको अवस्थामा रहेको थियो ।
स्थानिय दलित अगुवा नेता रघुनाथ दासका अनुसार रक्सी खाएर मातेर हिंड्दै गरेका शंकर दास र उनकी मृतक पत्नीविच विगत ३ दिनदेखि लगातार झगडा हुदै आएको थियो । बैशाख २६ गते राति ३ बजेसम्म पति पत्नीविचमा ठुलै झगडा भएको छिमेकीहरुले सुनेको बताउनुभयो ।
बैशाख २६ गते विहान ८ बजे आफैले आत्म हत्या गरेको पति शंकर दासले दावि गरेका छन् । तर स्थानियहरुले भने झगडाका कारण पति नै हत्या गरेको हुन सक्ने आंशका गरेको छ । घटनाबारे अनुसन्धान भई रहेको जिल्ला प्रहरी कार्यालय धनुषाका डिएसपी रामेश्वर कार्कीले बताउनुभयो ।
दिपेन्द्रप्रसाद सिंह
