धनुषा, ०७७ जेठ २ गते ।
धनुषाको गणेशमान चारनाथ नपा –९ बरमझियाकी योनीमा घाउ भएर विरामी भएकी १२ वर्षीया दलित बालिकालाई प्रादेशिक अस्पतालले बैशाख ३१ गते भर्ना नगरे पिडितकी वुवा रितो महरा रविदासले गुनासो गरेका छन् ।
दैनिक मजदुरी गरि जीवन गुजारा गर्दै आएका अति विपन्न परिवारका रितो महरासंग लकडाउनले गर्दा पैसा नभएर छोरीको उपचार गराउन निजी अस्पतालमा भर्ना गराउने आँट छैनन् ।
मानवअधिकारकर्मी विनोद महराको पहलमा गणेशमान चारनाथ नगरपालिकाका प्रमुख रामवावु यादवले बैशाख ३१ गते बालिकालाई प्रादेशिक अस्पतालसम्म एम्वुलेन्सको जोहो गर्दै नगद २ हजार रकम समेत दिएर पठाएको भएपनि अस्पतालले भर्ना लिन नमानेपछि योनीमा घाउ भएकी बालिका घर फर्किन बाध्य भएकी छिन् ।
बैशाख ३१ गते साँझ प्रादेशिक अस्पतालको इमरजेन्सी वाडमा उपचारको लागि आएको बालिकाको संवेदनशील ठाउँमा घाउ भएर किरा फलेको भएपनि चिकित्सकहरुले भर्ना नगरि घर फर्किन बाँध्य भएको पिडित बालिकाको वुवा रितो महराले बताए ।
मानवअधिकारकर्मी विनोद महराका अनुसार अति नै विपन्न परिवारका बालिकाको समयमै उपचार हुन नसके ज्यान जान सक्ने खतरा छ । योनीमा भएको घाउँमा किरा परेको स्थानियहरुको भनाई छ । उपचारको लागि अस्पतालको इमरजेन्सी वाडमा समेत जाँदा चिकित्सकहरुले आफनो जिम्मेवारी तथा दायित्वबाट पन्छिनु कतिको उचित रहेको प्रश्न गरेका छन् ।
अस्पतालमा विरामीलाई भर्ना नगरेको भन्दै अस्पतालका प्रमुख डाक्टर नागेन्द्र यादवलाई पटक पटक फोन र मेसेज गर्दा समेत कुनै रेस्पोन्स नपाएको मानवअधिकारकर्मी विनोद दासको भनाई छ ।
अस्पतालको अध्यक्ष संजय सिंहसंग चिकित्सकलाई कुरा गराउन लाग्दा समेत चिकित्सकले फोनमा कुरा समेत गर्न नमानेकाले जनताले पाउनुपर्ने स्वास्थ्यसम्बन्धि हकको संविधान तहत हनन् भएको बताए । बालिकालाई घाउको कारणले गर्दा ज्यान गएमा को जिम्मेवार हुने पिडित वुवा रितो महरा रविदासले गुनासो गरेका छन् ।
यो विषयमा आफ्नो प्रतिक्रिया दिनुहोस् !