धनुषा, ०७७ जेठ २ गते ।
धनुषाको बटेश्वर गाउँपालिका र मिथिला नगरपालिकाका असिना पिडितलाई प्रतिघर २ बन्डल कर्र्कटपाता सहयोग उपलब्ध हुने भएको छ । धनुषा क्षेत्र नं. ४ का प्रतिनिधीसभा सांसद तथा निवर्तमान भौतिक पूर्वाधारमन्त्रि रघुविर महासेठको पहलमा असिना पिडितलाई जस्तापाता राहत सहयोग दिने भएको छ ।
निर्वतमान मन्त्रि महासेठको पहलमा संघीय सरकारबाट राहत स्वरुप तत्काल जस्तापात दिन लागेको हो । मिथिला नगरपालिकाका १४०८ घरधुरी र बटेश्वर गाउँपालिकाका ७३६ घरधुरी गरि जम्मा २१४४ घरधुरिलाई प्रति घरधुरी २ बण्डल कर्कटपाताको सहयोग गर्न लागेको महासेठका तत्कालिन सचिवालय प्रमुख रहेका नेकपाका नेता कमल चौधरीले जानकारी दिनुभएको छ ।
स्थानिय पालिकाबाट असिना पिडित परिवारको रेकर्डको आधारमा प्रति परिवार २ बन्डल वितरण गर्न जेठ ३ गते मन्त्रि धनुषा आउने कार्यक्रम रहेको स्रोतले जनाएको छ ।
