धनुषा, ०७७ जेठ ७ गते ।
जनकपुरधाम उपमहागरपालिकाको ३ वडाको संगम स्थलमा एकाविहानै दैनिक सिटी बज्छ । सिटीको आवाज सुन्नै वितिकै घर घरका सदस्यहरु हतार हतार सडकमा ओर्लिन्छ ।
यी अचम्मका घटना ०७६ चैत २० गतेदेखि दैनिक हुन थालेको छ , जनकपुरको सरस्वती टोल डिहवारस्थान एरियामा । जनकपुरधामको वडा नं. ९,१० र ११ को संगमस्थल वरिपरि अहिले शनिवारबाहेक सधैं विहानै विहान यस्तै घटना दोहरिन्छ, सिटीको आवाज सुन्नै वितिकै महल्लाका मान्छेहरु सडकमै फोहोरको डस्टविन लिएर आउन थालेका छन् ।
सरस्वती टोलको डिहवार मंदिर स्थान वरिपरि फोहोरै फोहरको थुप्रोले महल्ला नै दुगन्धित भएपछि स्थानियबासिहरुकै पहलमा पटक पटक डस्टविन राखिदै आएको भएपनि जथाभावी रुपमा फोहोर फाल्ने काम बन्द नभएपछि टोल सुधार समिती फोहोर व्यवस्थानमा नयाँ आयाम ल्याएको समितिका संरक्षक नवल सिंहले बताउनुभयो ।
टोल सुधार समितिले टोलबाट निस्कने फोहोर व्यवस्थापन गर्नका लागि २८ वर्षीय युवा मनोज मल्लिकलाई जिम्मा दिएको छ । मनोज दैनिक सिटी बजाउँदै घर घरबाट निस्केको फोहोर ठेलामा राखेर नगरको टयाक्टर आएर लगिने गरेको ठाउँमा व्यवस्थापन गर्दै आएको बतानुभएको छ ।
अहिले दैनिक रुपमा यसरी घर घरबाट फोहोर संकलन हुन थालेपछि टोल सफा र सुन्दर भएको छ । डिहवार स्थानमै रहेको पोखरी पनि सफा र सुन्दर देखिएको छ । टोल सुधार समितीले प्रति परिवारबाट फोहोर व्यवस्थापनका लागि एक सय रुपैया संकलन गरि मनोज मल्लिकलाई दिदै आएको छ ।
समितीका संरक्षक नवल सिंहका अनुसार प्रत्येक परिवारबाट सय रुपैया दिनु कुनै ठुलो रकम पनि हैनन् र टोल, घर आंगन सफा राख्न मदत गर्ने सफाई कर्मचारीको मनोवल उच्च राख्न समितीले नै मनोज मल्लिकलाई जिम्मा दिएको बताउनुभयो ।
यता, टोलमा दैनिक रुपमा फोहोर संकलन हुन थालेपछि जथाभावी रुपमा फालिदै आएको फोहोरको दुर्गन्धबाट मुक्ति पाएको धनश्याम कटुवालले बताउनुभयो ।
घनश्यामको घर अगाडीकै खाली जग्गामा टोलका व्यक्तिहरु फोहोर फालि रहँदा दुर्गन्धले विरामी आमा, वुवा दिनभर पसलमा बसि रहँदा निकै स्वास्थ्यमा असर गरि रहेको थियो, नाक थुनेर बस्नुपर्ने अवस्था थियो तर टोलका सवै जनाले फोहोर व्यवस्थापनमा सहयोग गर्दै ठेलामा राख्न थालेपछि अहिले सफा हावा लिन थालेको बताउनुभयो ।
घनश्याम कटुवाल भन्छन्, नगरपालिकाले सवै ठाउँमा गर्न नसके टोल टोलका स्थानियबासिन्दाहरु आफै जागरुक्क भएको खण्डमा सफाई अभियानमा सहयोग पुग्ने विश्वास व्यक्त गर्नुभयो ।
दिपेन्द्रप्रसाद सिंह
यो विषयमा आफ्नो प्रतिक्रिया दिनुहोस् !