धनुषा, ०७७ जेठ ८ गते ।
सबैला नपा–१२ वरकुर्वामास्थित श्री फकिरचन्द गामी माविमा ०७६ चैत १४ गतेदेखि संचालन गर्दै आएको ५० वेडको क्वारेन्टाइन मापदण्ड विपरित सञ्चालन हुदै आएको क्वारेन्टानमा बसेका युवाहरुले गुनासो गर्नुभएको छ ।
सवैलाका मेयर विजयशंकरप्रसाद साहको संयोजकत्वमा गठित समितीलाई क्वारेन्टाइनमा आवश्यक सामग्रीको बन्दोवस्त गर्न ५० लाख रुपैयाँको कोरोना कोषमार्फत निकासा गरेको छ ।
६१ जना रहेको क्वारेन्टायनमा शौचालय भने २ वटा मात्रै रहेको छ । साझँ विहान शौच गर्न पालो कुरेर बस्नुपर्ने बाध्यता रहेको क्वारेन्टानमा बस्नेहरुले गुनासो गर्नुभएको छ ।
सवैला नपाले संचालन गर्दै आएको क्वारेन्टाइनमा खाना समेत गुणस्तरिय नदिएको भारतको गुजरातबाट फर्केर क्वारेन्टाइनमा विगत १० दिनदेखि बस्दै आएका युवा चन्द्रदेव मिश्रले गुनासो गर्नुभयो । थालीमा भात हाल्ने बित्तिकै ठुस्स गन्हाउन थाल्छ ।
त्यही भात खाएर मलाई दुई दिनदेखि पखाला लागिरहेको क्वारेन्टाइनमा बस्ने पविन्द्र मण्डलले बताउनुभएको छ । बिहानको खाना दिउँसो १२ बजेपछि मात्र दिने गरेको र आफुहरुले क्वारेन्टाइनका व्यवस्थापन समिति सदस्य रहेका वडाध्यक्ष प्रदिप महतोलाई गुनासो गर्दा तिमीहरुले कोरोना लिएर आएको भन्दै हप्काउने गरेको चन्द्रदेव मिश्रले बताउनुभयो ।
क्वारेन्टाइन रेखदेखमा खटिएका वैशाख २७ गतेदेखि निरन्तर खटिएका इलाका प्रहरी कार्यालय सबैलाका हवल्दार मन्दिप पटेलले बिहान शौच गर्न पनि बोतलमा पानी बोकेर खुला ठाउँमा जानु पर्ने बाध्यता रहेको बताउनुभयो ।
क्वारेन्टाइनमा मास्क, ग्लोब्स, सेनिटाइजरको व्यवस्थापन नहुँदा क्वारेन्टाइनमा बस्ने र सुरक्षाकर्मीहरुलाई समेत निकै समस्या भई रहेको छ । अहिलेसम्म क्वारेन्टाइनमा बसेकाहरुको सामान्य स्वास्थ्य परिक्षण समेत नगरेको युवाहरुले गुनासो गर्नुभएको छ ।
क्वारेन्टाइनका स्वास्थ्य संयोजक रामदुलार यादवलाई यसबारेमा सोधपुछ गर्दा क्वारेन्टाइनमा बसेकाहरुको अस्पतालमा जस्तो बेड बेडमै पुगेर स्वास्थ्य जाँच गरिरहनु पर्ने आवश्यकता नभएको बताउनुभयो । अहिलेसम्म क्वारेन्टाइनमा बस्नेहरुको स्वास्थ्य अवस्था राम्रै रहेको बताउनुभयो । क्वारेन्टाइनमा बसेको अवधिमा कसैलाई ज्वरो लागेको जानकारी भए तत्कालै शरिरको तापक्रम जाँच गरिने बताउनुभयो ।
वडाध्यक्ष प्रदिप महतोले हाल वडाध्यक्ष भागीरथ महतो क्वारेन्टाइन उपसंयोजक रहनुभएकाले गर्दा पहिले चामल कतरनी प्रयोग हुदै आएकोमा अहिले गाउँघरकै सोनामंसुरी चामलको प्रयोग भएको आफुले समेत सुनेकाले गर्दा क्वारेन्टाइन अनुगमन गर्न आफु जाँदै गरेको फोनमा बताउनुभएको छ । बेडक्षमताभन्दा बढी व्यक्तिहरुको एकाएक आएकाले व्यवस्थापनमा अलि समस्या हुदै आएकाले सुधार गरिने उहाँले बताउनुभयो ।
यता, सवैलाका उपमेयर निलुदेवी कापरले नेपाल सरकारको मापदण्डविपरित क्वारेन्टाइन निमार्ण गरि आश्वयक पूर्वाधार तयार गर्नुपर्ने अडान राखेपछि केही दिन अगाडी नगरकाो कार्यपालिकाको बैठकमा मेयर र उपमेयर पक्षविच हात हालाहालदेखि अश्लिल गालीगलौज समेत भएको थियो ।
उपमेयर निलुदेवी कापरले मेयर विजयशंकर प्रसाद साहले नगरमा वितरण गरिएको राहत देखि क्वारेन्टाइन व्यवस्थापनमा समेत भ्रष्ट्राचारी गर्दै आएको दावि गर्नुभएको छ । उपमेयर कापरका अनुसार आफुलाई कुनै पनि जिम्मेवारी नदिई केही वडाध्यक्षलाई आफनो फेवरमा राखेर जवरजस्ती काम गर्ने गरेको छ । हिसाव किताव पारदर्शि गरेको छैन् ।
मेयर साहले सवैलामै घर हुँदा हुँदै जनकपुरमा डेरा गरि बसि रहेको र डेराभाडा, दैनिक जनकपुर देखि सवैला आउने जाने लगायत भान्छेसमेतको तलव नगरबाट लिदै आएको बतानुभयो । उहाँले भन्नुभयो नगरको क्वारेन्टाइनमा आफुले समेत निकै समस्या रहेको गुनासो सुन्दै आएकोले सुधार गर्न पटकपटक आग्रह गर्दा समेत नगरप्रमुख साहले नटेरेको गुनासो गर्नुभयो ।
यो विषयमा आफ्नो प्रतिक्रिया दिनुहोस् !