धनुषा, ०७७ जेठ ९ गते ।
कोरोना माहामारी रोकथाम , नियन्त्रणका लागि प्रदेश सरकारले जनकपुर र राजविराजको लागि ४ घण्टामा ९६ वटा रिर्पोट दिने खालको २ वटा रियल टाइम पिसिआर मेसिन खरिद गरेर जेठ ९ गतेदेखि जडान कार्य सुरु गरेको छ ।
जनकपुरमा पशुरोग अन्वेशन प्रयोगशालामा आरडिटी पिसिआर मेसिन संचालनमा ल्याइने छ भने राजविराजस्थित गजेन्द्रनारायण सिंह अस्पतालको ल्याव संचालन गरिने प्रदेश सरकारको मुख्यमन्त्रि संचार सचिवालले जनाएको छ ।
यसअघि नै प्रदेश २ को विरगंजमा रियल टाइम पिसिआर मेशिन जडान भई सकेको प्रादेशिक प्रयोगशाला जनकपुरका निमित्त प्रमुख राम विनय साहले बताउनुभयो ।
यसैविच, प्रदेश सरकारले उपचार, तथा परीक्षणको कार्यलाई थप दुरुस्त बनाउन गजेन्द्र नारायण सिंह सगरमाथा अस्पताल राजविराजलाई आवश्यक सामाग्री खरिद गर्न ५० लाख र विरगंज स्थित नारायणी अस्पताललाई २५ लाख रुपैया निकासा गरेको छ । विरगंजले सो रकम कोरोना संक्रमितहरुको पोषणयुक्त खानाको लागि खर्च गर्ने भएको छ ।
सैविच, प्रदेशको २ बारा र विरगज र राजविराजमा नेपाली सेनाले एक हजार पाँच सय बेडको क्वारेन्टाइन निमार्ण गर्ने भएको छ । नेपाली सेना द्वारा संचालन हुने गरि राजविराज र बारा जिल्लामा कम्तीमा ५ सय बेडको प्रादेशिक क्वारेन्टाइन निर्माण गर्न समेत नेपाली सेनाले उपलब्ध गराएको इस्टिमेट अनुसार रकम उपलब्ध गराउने निर्णय गरेको छ ।
विरगंजमा विदेशबाट आउने नागरिकलाई राख्न ५ सय बेडको होल्डिङ्ग क्वारेन्टाइन निमार्ण गरिने छ । प्रदेश सरकारले कोरोना संक्रमितको संख्यामा तीब्र वृद्धि भइ रहेको अवस्थामा स्थानीय स्तरमै कन्ट्रयाक्ट ट्रेसिङ्ग मार्गदर्शनका लागि अभिमुखीकरण कार्यक्रम समेत संचालन गर्ने र विभिन्न जिल्लाको विभिन्न स्थानमा गएर केस अध्ययन गर्न समेत आवश्यक बजेटको व्यवस्थापन गर्ने मुख्यमन्त्रिका स्वकिय सचिव दिपक यादवले बताउनुभयो ।
यो विषयमा आफ्नो प्रतिक्रिया दिनुहोस् !