धनुषा, ०७७ जेठ १२ गते ।
कोरोना भाइरसको संक्रमणले ग्रसित सलार्ही धनकौलाका ४० वर्षीय पुरुष सलार्हीमै फेला परेको छ । जनकपुरको कोरोना विशेष अस्पतालको आइसोलेशन वार्डबाट फरार भएका उनलाई प्रहरीले खोजी गर्दै जाँदा सर्लाहीको धनकौलबाट गिरफतार गरेको हो । गिरफतारमा परेका उनलाई जनकपुर ल्याइदै छ ।
अस्पतालका कोभिड १९ फोकल पर्सन डाक्टर कुलदीप पण्डितका अनुसार उनको आइतवार १४ औं दिनको स्वाब संकलन गर्ने तयारी थियो । यसअघि पनि उनी आइसोलेसनबाट भागेका थिए । यसअघि भागेर रातभरमा गाउँ पुगेका उनलाई ल्याइएको थियो ।
मानसिक सन्तुलन ठिक नभएको समस्याका कारण उनलाई छुट्टै कोठामा राखिदै आएको छ । उनलाई मानसीक रोग विशेषज्ञले पनि उपचार गरिरहेका छन् । उनी गत वैशाख ३१ गते अस्पताल भर्ना भएका थिए ।
उनी रहेको कोठामा रहेको सीसीटिभी क्यामेरा बटार्दै झयाल फोडेर फरार भएको उनलाई पुन ः अस्पताल ल्याउने काम भइरहेको जिल्ला प्रहरी कार्यालय धनुषाका डिएसपी रामेश्वर कार्कीले जानकारी दिएका छन् ।
यो विषयमा आफ्नो प्रतिक्रिया दिनुहोस् !