धनुषा, ०७७ जेठ १६ गते ।
छिमेकी राष्ट्र भारतमा कोरोना सङ्क्रमित बढ्दै गएपछि नेपाल सरकारले नेपाल–भारत सीमा नाकामा सुरक्षा व्यवस्था थप कडाइ गरेको छ । नेपाल सरकारले सीमा सुरक्षा, सीमाबाट हुने अवैधानिक तथा गैरकानूनी क्रियाकलाप र आवतजावत रोक्न सशस्त्र प्रहरी र नेपाल प्रहरीलाई जिम्मा दिएको हो ।
लकडाउन कारण भारतबाट लुकिछिपी आउने क्रियाकलाप रोक्न सीमावर्ती क्षेत्रमा सशस्त्र प्रहरी बल प्रचण्ड गर्मी, सर्प, विच्छु र हावाहुरीको कुनै परवाह नगरी पाल मुनि बसेर दिन रात सिमानाकामा गस्ती गरि रहेको सशस्त्र प्रहरी धनुषाका एसपी राजेश उप्रेतीले बताउनुभयो ।
कोरोना संक्रमण नियन्त्रणका लागि नेपाल भारत सीमा सिल गरिएपछि सशस्त्र प्रहरीले सीमा क्षेत्रमा आफ्नो उपस्थितिलाई मजबुद बनाउँदै अस्थायी चौकी, बेसक्याम्प, तथा ड्युटी पोष्टहरु बनाएर गैरकानुनी क्रियाकलाप र आवतजावत रोक्न दिनरात सीमामा पहरा दिइरहेका छन ।
नुषामा रहेको सशस्त्र प्रहरी बल नेपाल नम्बर ८ गण हेडक्वाटर अन्तर्गत ७ स्थानमा स्थायी बोर्डर आउटर पोस्ट (बीओपी) छ भने अहिले ९ स्थानमा अस्थायी फरवार्ड बेसक्याम्प कायम गरी सीमामा र प्रदेशका राजनधानी जनकपुरधाममा समेत लकडाउनको पूर्ण रुपमा पालना गराउन हामी दिनरात खटेको प्रहरी उपरिक्षक राजेश उप्रेतीले बताउनुभयो ।
धनुषा जिल्लाको भारतसँग सीमा जोडिएको ४८.७४ किलोमिटर क्षेत्रमा गैरकानुनी क्रियाकलाप र चोरबाटो हुँदै आवतजावत रोक्न सीमामा गणका ८० प्रतिशतभन्दा बढी जनशक्ति जिल्लाका ७७ स्थानमा परिचालन गरिएको छ ।
कोरोना संक्रमण नियन्त्रणका लागि चारदेखि १० जनासम्म ड्युटी गर्ने पोष्ट २०० मिटरको फरकमा गस्ती गर्दै आएको प्रहरी उपरिक्षक उप्रेतीले बताउनुभयो । सिमानाकामा सशस्त्र प्रहरीले पैदल, साइकल, मोटरसाइकल र भ्यानमा समेत गस्ती गर्दै आएको बताउनुभयो ।
यो विषयमा आफ्नो प्रतिक्रिया दिनुहोस् !