धनुषा, ०७७ जेठ २३ गते ।
धनुषाको बटेश्वर गाउँपालिकाको क्वारेन्टिनमा बसेका युवाहरुको पिसिआर रिर्पोट आउन ढिलाई भएपछि आरडिटी चेकजाँच गरेर घर पठाइएको छ । पिसिआरको लागि बटेश्वरमा जेठ १२ गते नै ९ जनाको स्वाव संलकन गरेर काठमाण्डौस्थित राष्ट्रिय प्रयोगशाला टेकु पठाइएको थियो ।
११ औं दिनसम्म पनि रिर्पोट नआउँदा लामो समय क्वारेन्टाइनमा बसेका १६ जना युवाहरुलाई जेठ २३ गते आरडिटी चेकजाँच गरि घर पठाइएको बटेश्वर गाउँपालिकाका स्वास्थ्य संयोजक रुद्रनारायण यादवले बताउनुभयो ।
बटेश्वर गापा–५ शान्तिपुरको श्री काली जनज्योती आवासिय विद्यालयको क्वारेन्टिनमा यस अघि गरिएको पिसिआरको रिर्पोटअनुसार एक स्वास्थ्यकर्मीसहित ६ जनामा कोरोना भाइरसको संक्रमण देखिएको थियो ।
तर लामो समयसम्म पिसिआरको रिर्पोट नआउँदा अझै क्वारेन्टाइनमा बसेर स्वास्थ्य समस्या बढ्ने भएकाले नेपाल सरकारको निर्देशिका बमोजिम आरिडिटी परिक्षण गरेर १६ जनालाई घर पठाइएको छ ।
जेठ २३ गते गरिएको आरडिटी चेकजाँचमा समेत एक जनामा रिर्पोट पोजेटिभ देखिएकाले उनको पिसिआर टेष्ट गराइ, क्वारेन्टीनमै राखेर उपचार गरिने स्वास्थ्य संयोजक रुद्रनारायण यादवले बताउनुभयो ।
जेठ २३ गते क्वारेन्टाइनमा ४९ रहेकोमा १६ जना घर गएपछि ३३ जना हाल रहेको बताउनुभयो । पिसिआर रिर्पोटको नतिजा आउन ढिलाई भएकाले गर्दा आफुहरुलाई समेत बाध्यतावश आरडिटी चेकजाँच गरेर घर पठाउनुपर्ने बाध्यता रहेको स्वास्थ्य संयोजक यादवले बताउनुभयो ।
घर पठाइएका सवै जनालाई एक हप्ता घरमै क्वारेन्टीन भएर बस्न आग्रह गरिएको बताउनुभयो ।
दिपेन्द्रप्रसाद सिंह
यो विषयमा आफ्नो प्रतिक्रिया दिनुहोस् !