धनुषा, ०७७ जेठ २३ गते ।
बटेश्वर गापा–१ स्थित बडहरी खोलामा बटेश्वर गाउँपालिकाले अवैध तरिकाले खोलाको ठेक्का लगाएर १५ देखि ३० फिटसम्म उत्खन्न गराउँदै आएको स्थानियबासिन्दाहरुको आरोप छ ।
कमिसनको गोप्य खेलमा लागेका बटेश्वर गापाका अध्यक्ष गणेश राउतले स्थानिय ठेकेदारहरुसंग मोटो रकम घुस लिएर अवैध तरिकाले खोला उत्खन्न गराइ रहेको स्थानियबासिन्दाहरुले आरोप लगाएका हुन् ।
खोला उत्खन्न गराउन ठेक्का लगाउँदा उत्खन्न गर्ने मापदण्ड तोकिएको छ, गापा अध्यक्ष गणेश राउतले ठेकेदारबाट मोेटो रकम लिएकाले खोलामा वालुवा, गिटटी उत्खन्न भन्दा पनि गाउँलाइ नै सखाप पार्ने गरि ३० फिटभन्दा पनि बढी गहिरो खनेर ग्राभेल खन्दै आएको स्थानियबासिले पट पटक जानकारी गराउँदा समेत वेवास्ता गर्दै आएको स्थानियबासिन्दाले बताएका छन् ।
खोलाको ठेक्का स्थानिय शत्रुधन महतोले वर्षेनी १५ लाख रुपैया गाउँपालिकामा बुझाउने गरि लिएका हुन् तर ठेकेदार महतोले आफुलाई समेत अटेर गरेर उत्खन्न गर्ने युवाहरुले जथाभावी रुपमा उत्खन्न गर्दै आएको बताए ।
यता,स्थानियबासिन्दाको गुनासोलाई गाउँपालिका अध्यक्ष राउतले पटक पटक वेवास्ता गर्दै आएकाले जेठ २० गते राति उत्खन्न गिरोहको कुटाइबाट स्थानिय २२ वर्षीय संजय कुमार महतो गम्भिर घाइते भएका छन् ।
उँलाई असर पार्ने गरि ग्राभेल खन्दै आएकोबारेमा गाउँपालिका अध्यक्ष गणेश राउत, उपाध्यक्ष प्रर्मिला देवी महतो र वडा अध्यक्ष शैलेन्द्र महतोलाइ स्थानियबासिन्दाहरुले पटक पटक जानकारी गराउँदा समेत कुनै चासो नलिएपछि जेठ २० गतेदेखि निरन्तर गाउँपालिकामा सयौ जना गएर जानकारी गराउन खोज्दा गाउँपालिका अध्यक्ष कार्यालय छोडेर भाग्ने गरेको स्थानिय जनकलाल महतोले बताए ।
सयौ गाउँलेहरु डेलिगेसनसहित गाउँपालिका जाँदा पटक पटक अध्यक्ष राउत गाउँपालिका छोडेर भाग्ने गरेकाले अव गाउँपालिकामा तालाबन्दी गर्नुको विकल्प नभएको उनले बताए । यता, संचारकर्मीहरुले समेत अवैध खोला उत्खन्नबारेमा चासो राख्दा गाउँपालिका अध्यक्ष राउतले चर्को स्वरमा बोल्दै मिडियावाजी गरेर आफुलाई बदनाम गराउन केही उच्श्रृखल तत्व लागेको उल्टै आरोप लगाउने गरेको छ ।
उँपालिकामा पटक पटक छलफलको लागि समय लिदै आएको भएपनि स्थानियबासिन्दाहरुको भावना विपरित गाउँपालिका छोडेर भाग्ने गरेकाले बटेश्वर गापा १ का स्थानियबासिन्दाहरु आक्रोशित भएको स्थानिय युवा उमेश कुमार महतो (कान्छा)ले बताए ।
अवैध खोला उत्खन्नकर्ताहरुको घरेलु हतिहार प्रहारबाट गम्भिर घाइते भएका संजय कुमार महतोको अवस्था गम्भिर हुँदा समेत पालिका अध्यक्षले एक शब्द समेत नबोलेर ठेकेदारहरुको बचाउ अभियानमा लागेका छन् । उत्खन्नकर्ताहरुको रड प्रहारबाट संजयको टाउको, कानलगायतको शरिरको विभिन्न भागमा गम्भीर चोट लागेर काठमाणडौस्थित न्युरो हस्पिटलमा उपचार भई रहेको छ ।
अवैध खोला उत्खन्नकर्ताहरुको कुटाइबाट गम्भिर घाइते भएका अति विपन्न परिवारका संजयको उपचारको लागि स्थानियबासिन्दाहरुले चन्दा संकलन गरेर उपचार गराउन बाध्य भएका छन् । आर्थिक अभावले गर्दा प्रत्येक घर घरबाट आर्थिक संकलन गरि उपचारको लागि पठाएको बटेश्वर–१ का शिक्षक कुशेश्वर महतोले बताए ।
