धनुषा,०७७ जेठ २५ गते ।
धनुषा र सिरहा जिल्लाको मुख्य सिमा मानिएका कमला नदीमा ठेकेदारहरुले अवैद्य तरिकाले उत्खनन गरि रहेको छ । गणेशमान चारनाथ नगरपालिका क्षेत्रमा कमला नदीको अवैध तरिकाले नगरपालिकाकै मिलोमतोमा अवैध तरिकाले दोहन भई रहेको स्थानियहरुको आरोप छ ।
नदीमा अवैध तरिकाले गहिरो गहिरो पोखरी नै बनाएर ग्राभेल उत्खन्न हुन थालेपछि कमला बचाउ अभियानमा लागेका सरोकारवालाहरुको एक टोली नदिमा गएर अवैध उत्खन्नस्थलको अनुगमन गरेका छन् ।
कमला नदीको उत्खन्न स्थल बन्दीपुर पुगेका शहिदनगरपालिकाका मेयर समेत रहनुभएका कमला नदी बचाउ अभियानी उदयकुमार बरवरिया यादवले अवैध तरिकाले नदीमा उत्खन्न भई रहेको बताउनुभयो । कमला नदीमा अवैध तकिारले दोहन गर्ने दलाल र क्रसर डनहरुलाई कानुनै मार्फत तह लगाउनुपर्ने अभियानी यादवले बताउनुभयो ।
कमला बचाउ अभियानका अभियानी समेत रहेका मेयर बरबरियाले कमला नदीमा रातराती अवैद्य रुपमा उत्खनन नरोकिएको भन्दै अभियानी टिमहरुले आज (शनिबार) नीरिक्षण गर्न कमला पुगेका थिए ।
सो क्रममा कमला र विमला नदीको इतिहास तथा धार्मिक अस्तित्वबारे समेत बोल्दै धनुषा र सिरहा जिल्लाको सीमाको रुपमा रहेको कमला नदिको अवैद्य उत्खनन रोक्न आफूहरु हर सम्भव प्रयास गर्ने प्रतिवद्र्धता जनाउनुभएको छ ।
मेयर बरवरियाले पर्यावरण, वातावरण र कमला नदीको अस्तित्व जोगाउनको लागि आफू कहिले पछाडी नहटेको जनाउँदे आगामी दिनमा समेत पछाडी नहटने जिकिर गर्नुभयो ।
निरिक्षणको क्रममा कमला बचाउ अभियानका संयोजक विक्रम यादवले कमला नदीको धार्मिक पहिचान र अस्तित्व सहित कमला नदी बचाउन सवैको साथ र सहयोगको अपेक्षा रहेको बताउनुभयो ।
कमला नदीको छेउमा जंगल लगाउनुका साथै वन्यजन्तुलाई समेत पालन पोषण गर्ने अवधारणा ल्याउन लागेको बेलामा कमला नदीमा अवैध तरिकाले जनप्रतिनिधीहरुकै मिलोमतोमा रातारात अवैध उत्खन्न हुनु दुखद रहेको बताउनुभयो । अवैध उत्खन्न रोकाउन आफुहरुले पहल गर्ने बताउनुभयो ।
नीरिक्षणको क्रममा कमला बचाउ अभियानका सम्पूर्ण अभियानी, सिरहा कर्जन्हा नगरपालिका वडा नं. ४ का वडाध्यक्ष, सँचारकर्मीद्धय विनय कुमार यादव र मुकेश ठाकुर सहित सरोकारबालाहरुको समेत सहभागीता रहेको थियो । उनीहरुले बन्दीपुर ईलाकामा कमला नदीको नीरिक्षण गरेको थियो ।
