धनुषा, ०७७ जेठ ३० गते ।
धनुषाको क्षिरेश्वरनाथ नपा–५ मा नेपालकै ठूलो कागज कारखाना एभरेष्ट पेपर मिल्सले कार्यरत मजदुरहरुलाई ५ महिना देखि ज्याला नदिएको भन्दै मजदुरहरु आन्दोलित भएका छन् । ०७६ साल मसीर देखि नै दैनिक ज्यालादारीमा खट्दै गरेका करिब चार सयको संख्यामा रहेका मजदुरहरु आन्दोलित भएका छन् ।
विश्वभरी महामारीको रुपमा फैलि रहेको कोरोना भाइरस रोकथामको लागि सरकारले जारी राखेको करिब ३ महिनाको लामो बन्दाबन्दीको बेला समेत आफूहरुलाई काम गरेको पैसा नदिएपछि मजदुरहरु ठूलो समस्यामा परेको मजदुर विश्वनाथ यादवले बताउनुभयो ।
रिव ५ वर्षदेखि कारखानामा दैनिक ज्यालादारीमा कार्यरत विश्वनाथ यादवका अनुसार काम गरेको ५ महिनासम्म समेत कारखानाबाट तलव नपाएपछि घर परिवार चलाउन निकै समस्या भएको बताउनुभयो, उहाँले भन्नुभयो पसलबाट उधारो खाँए पछि पैसा तिर्छु भनेर तर आफूले काम गरेको पैसा समयमा नआएर पसले उधारो माग्छ भनेर आफुलाई अर्कै बाटो हिड्नुपर्ने बाध्यता रहेको बताउनुभयो ।
कारखानामै कार्यरत मजदुर दिनेश सिंहका अनुसार ‘रातदिन हामीहरु काम गर्यौ, काम गरेको रकम समयमा नपाएपछि आफुहरु मेहनत गरेको तलव पाउन कारखाना अगाडी धर्ना दिनु पर्ने बाध्यता भएको बताउनुभयो ।
मजदुरहरुले काम गरेको रकम दिदैँन तब सम्म कारखानाबाट बजारमा बेच्न तयारी अवस्थामा रहेको सामान समेत निकाल्न नदिने मजदुरहरुले बताएका छन् ।
