बारा,०७७ असार ११ गते ।
बारामा ५ वर्षीया बालिकामाथि जबरजस्तीकरणी भएको सात दिनपछि खबर बाहिर आएको छ ।
बाराको बिश्रामपुर गाउँपालिका–२ मा गत असार ३ गते राति करिब साढे ९ बजे उखुबारीमा उक्त घटना भएको हो । घटनामा प्रहरीले शुरुदेखि नै सहयोग नगरेको पीडित पक्षको आरोप छ ।
बालिका राति कोठाबाट हराएको र राति करिब ११ बजे सुनसान सडकमा रगताम्य अवस्थामा निवस्त्र अवस्थामा फेला परेको बताइएको छ ।
पीडित बालिकाकी पिताका अनुसार अपराधी उम्कीने भन्दै प्रहरीले घटनाबारे हल्ला नगर्न भनेको हो । त्यहि भएर घटनाबारे खबर दिन नसकेको उनले बताए ।
घटनास्थलबाट साईकल, पुरानो चपल र तेल राखिएको भडा समेत बरामद भएको बताइएको छ ।
सामाजिक अभियानता वृजेश्वर चौधरीले घटना बाहिर नआएको र प्रहरीको भूमिका निकै कमजोर देखिएको बताए । उनले असार ९ गते राति मात्र जानकारी पाएको बताए । साथै पीडितलाई सहयोग गर्न चाहेको पनि चौधरीले बताए ।
त्यस्तै वडाध्यक्ष तथा गाउँपालिका प्रमुख समेत उक्त घटनाबारेमा बेखबर रहेको सुन्दा आफूलाई आश्र्चय लागेको अभियानता चौधरीले बताए ।
यो विषयमा आफ्नो प्रतिक्रिया दिनुहोस् !