धनुषा, ०७७ असार १३ गते ।
प्रादेशिक अस्पताल जनकपुरको आइसोलेशन वार्डमा भर्ना भई उपचार अभावको क्रममा छटपटिएर मृत्युवरण गरेका हंसपुर –७ नौखाखोर प्रसाहीका १५ वर्षीय राजु सदाका परिवारलाई प्रदेश २ सरकारले ५ लाख राहत दिने असार १२ गते घोषणा गरेको छ ।
कोरोना संक्रमण पुष्टि नभएका राजु सदाको आइसोलेशनमा १३ दिने बसाईको क्रममा उपचार हुन नसकेर १४ औं दिन प्रादेशिक अस्पतालको इमरजेन्सी वार्डमा असार ८ गते राति ३ बजे मृत्यु भएपछि प्रदेश २ सरकारको चौतर्फी आलोचना हुदै आएको छ ।
प्रदेश २ सरकारका आन्तरिक मामिला तथा कानुनमन्त्रि ज्ञानेन्द्र कुमार यादवले मृतक राजु सदाप्रति श्रद्धाञ्जली र पिडितप्रति समवेदना सहित आन्तरिक मामिला तथा कानुन मन्त्री ज्ञानेन्द्र कुमार यादवले एक विज्ञप्ती जारी गर्दै घटना प्रती दुःख व्यक्त गर्दै तत्काल अन्तिरम राहत स्वरुप पाँच लाख राहतको घोषणा गरेको हो ।
यसअघि सामाजिक विकास मन्त्रालयले असार ११ गते स्वास्थ्य निर्देशनालयका निर्देशक हरिश्चन्द्र साहको संयोजकत्वमा ३ सदस्यीय छानविन समिति गठन गरेको छ ।
दिपेन्द्रप्रसाद सिंह
