धनुषा, ०७७ असार १८ गते ।
इलाका प्रहरी कार्यालय सवैलाको प्रहरी हिरासतमा मृत्यु भएका सवैलाका २६ वर्षीय शम्भु सदा र प्रादेशिक अस्पताल जनकपुरको आइसोलेशनमा उपचार नपाएर मृ्त्यु भएका हंसपुर नगरपालिकाका १५ वर्षीय राजु सदाको हत्या भएको भन्दै पिडित परिवारले न्याय नपाएको भन्दै जनकपुरमा असार १८ गते गरिएको हजारौको संख्यामा आन्दोलन गरिएको छ ।
पिडित परिवारलाई न्याय र दोषीलाई कडा कार्वाहीको माग गर्दै गरिएको प्रदर्शनको क्रममा प्रदेश २ को मुख्यमन्त्रि तथा मन्त्रिपरिषदको कार्यालय अगाडी आन्दोलनकारीले पथ्थरबाजी गरेपछि प्रहरी र आन्दोलनकारीविच दोहोर झडप भएको हो ।
झडपमा परेर रेल्वे स्टेशन प्रहरी चौकीमा कार्यरत ४५ वर्षीय असई विजय कुमार मिश्रको आन्दोलनकारीको पथ्थरबाजीले टाउको फुटेको छ । मिश्रको धनुषा अस्पताल जनकपुरमा उपचार गरिएको छ ।
डपको क्रममा आन्दोलनकारीको तर्फबाट धनुषाको क्षिरेश्वरनाथ नपा–३ बस्ने २५ वर्षीय कल्याण कुमार सदाको टाउको प्रहरीले गरेको लाठी प्रहारले फुटेको छ । कल्याण कुमार सदाको जनकपुरस्थित धनुषा अस्पतालमा उपचार गरि ३ वटा टाँका लगाइएको छ । झडपकै क्रममा गणेशमान चारनाथ ३ बस्ने ४० वर्षीय रामचन्द्र महराको बाँया हातमा चोट लागेको छ ।
मुख्यमन्त्रि कार्यालयको कार्यालय अगाडी प्रदर्शनकारीहरुले उग्र रुप लिएपछि प्रदर्शनका अगुवाई गर्ने सवैला नपा –१२ रघुनाथपुरका २८ वर्षीय विपी साह असार १८ गते मिल्सएरियाबाट जिल्ला प्रहरी कार्यालय धनुषाले नियन्त्रणमा लिएका थिए ।
प्रदर्शनकारीहरु मुख्यमन्त्री कार्यालयको मुख्य प्रवेशद्धारबाट प्रवेश गरि तोडफोड गर्न खोजेपछि प्रहरीले ५ राउण्ड हवाई फायर र ७ राउण्ड अश्रुग्यासँ प्रहार गरेको जिल्ला प्रहरी कार्यालय धनुषाले जनाएको छ ।
आन्दोलनकारीहरुले नियन्त्रणमा लिएका विपी साहलाई रिहाइको माग गर्दै जनकपुरको रामानन्दचोक देखि अस्पताल रोड जाने बाटोमा धर्ना दिएपछि ४ घण्टापछि प्रहरीले रिहा गरेका छन् ।
दिपेन्द्रप्रसाद सिंह
यो विषयमा आफ्नो प्रतिक्रिया दिनुहोस् !