धनुषा,०७८ कार्तिक २१ गते । १० औं वनदेवी माई अध्यक्ष गोल्डकप फूटवल प्रतियोगिता २०७८ विरगंज यूनाइटेड क्लवले जित हात पारेको छ । आइतवार वनदेवी माई यूवा क्लवको खेल मैदानमा भएको फाइनल खेलमा राप्ती रिभर यूथ क्लव मनहरी, मकवानपुर,हेटौडालाई २ गोलले पराजित गर्दै विरगंज यूनाइटेड क्लव पर्साले जित हासिल गरेको हो । प्रथम विरगंज यूनाइटेड क्लव पर्सालाई एक लाख पाँच हजार ५ रुपैया नगदसहित शिल्ड प्रदान गरिएको छ ।
बटेश्वर गाउँपालिकाका अध्यक्ष डम्बरवहादुर राउत क्षेत्री (गणेश) ले प्रथम विरगंज यूनाइटेड क्लवलाई नगद राशीसहित शिल्ड प्रदान गर्नुभएको हो । वनदेवी माइ युवा क्लव सितापुर बटेश्वरको आयोजना तथा बटेश्वर गाउँपालिकाको संरक्षकत्वमा आयोजित वनदेवी माइ अध्यक्ष गोल्डकप प्रतियोगितामा १० वटा टिमले खेलमा प्रतिस्पर्धा गरेका छन् ।
आइवार भएको फाइनल खेलमा दोश्रो भएका राप्ती रिभर यूथ क्लव हेटौडालाई ५१ हजार नगदसहित शिल्ड भंगहा नगरपालिका प्रमुख संजिवकुमार साह र बटेश्वर गाउँपालिका वडा नं. २ का वडाध्यक्ष गंगाराम कुवँरले संयुक्त रुपमा प्रदान गर्नुभयो ।
फाइनल खेलमा खेलाडीहरुलाई सम्बोधन गर्नु हुदै गाउँपालिका अध्यक्ष डम्बरबहादुर राउतले खेलाडीहरुको मनोवल बढाउनका लागि खेलमैदानलाई व्यवस्थित बनाउन आफुले पहल गर्ने बताउनुभयो । उहाँले बटेश्वर गाउँपालिका खेलकुदसंगै विकास निमार्णको गतिमा आफनो तिव्रता अगाडी बढाई रहेको बताउनुभयो । उहाँले आउने दिनमा समेत खेलाडीहरुलाई प्रोत्साहन गरिने खालमा कार्यक्रमहरुलाई निरन्तरता दिने प्रतिवद्र्धता जाहेर गर्नुभयो ।
फाइनल खेलमा बेस्ट किपरको रुपमा राप्ती रिभर यूथ क्लवका किपर लक्ष्म्मेश्वर सिंहलाई एमालेका नेता टंकप्रसाद बराल एक हजार ५ सय पुरस्कार प्रदान गर्नुभयो । म्यान अफ द म्याच विरगंज यूनाइटेड यूथ क्लवका खेलाडी संजय चौधरीलाई बटेश्वर गाउँपालिका वडा नं. ५ का वडाध्यक्ष शिवकरण यादवले एक हजार पाँच सय नगदसहित सम्मान गर्नुभयो ।
वेस्ट मिड फिल्डरका रुपमा विरगंजका खेलाडी आशा चौधरीलाई सुखचन्द्र ठाकुरले एक हजार पाँच सय नगद प्रदान गर्नुभयो ।
वेस्ट डिफेन्डरका रुपमा विरगंजका जर्सी नं. ५ लाई , वेस्ट फर वार्ड विवेक चौधरीलाई बटेश्वर गाउँपालिका वडा नं. २ का सदस्य रमेश कुमार यादवले नगद एक हजार पाँच सय प्रदान गर्नुभयो ।
म्यान अफ द सेरिजको रुपमा कृपालाई आयोजक क्लवका अध्यक्ष नरेन्द्रप्रसाद रायले नगद दुई हजार पाँच सय प्रदान गर्नुभयो ।
खेलमा मुख्य रेफ्रीको रुपमा विक्रम चौधरी, काशि राई, प्रमोद पासमान र अजय सिंहले सहजीकरण गर्नुभएको थियो ।
कार्यक्रममा दोश्रो पुरस्कारको राशि प्रदान गर्नुहुने भंगहा नगरपालिकाका मेयर संजिवकुमार साहलाई बटेश्वर गाउँपालिकाका अध्यक्ष डम्बरबहादुर राउतले प्रंशसा पत्र प्रदान गर्नुभयो ।
समापन कार्यक्रममा मिथिला नगरपालिकाका उपप्रमुख तारा लामा बस्नेत, एमालेका नेता टंकप्रसाद बराल, युवा नेता सुनिल साह, अजय राउत, रामखेलावन महतो, जगदिश महतो, देवनाथ महतो, गमबहादुर सुनवारलगायत हजारौको संख्यामा दर्शकहरुको सहभागिता रहेको थियो ।
