धनुषा,०७८ पुस ९ गते । मानव अधिकार र सामाजिक न्यायका निम्ति मानव अधिकार उल्लंघन तथा ज्यादतीका घटनामा जिल्ला प्रतिनिधीहरुसंग अन्तरक्रिया पुस ८ गते सम्पन्न गरिएको छ । भएको छ । इन्सेक प्रदेश २ कार्यालय मातहतका जिल्ला प्रतिनिधिले जिल्लामा अभिलेखीकरण गरेका घटनामाथि समीक्षा गर्दै जिल्ला प्रतिनिधिसँग प्रदेश कार्यालयले अन्तरक्रिया सम्पन्न गरेको हो ।
अन्तरक्रियामा इन्सेक प्रतिनिधिले जिल्लामा मानव अधिकार उल्लङ्घन तथा ज्यादतीका घटना अभिलेखीकरण गर्दा भोग्नु परेको समस्या र चुनौती विषयमा जिल्ला प्रतिनिधिसँग अन्तरक्रिया गरिएको इन्सेक प्रदेश २ कार्यालय प्रलेख अधिकृत सागर कँडेलले बताउनु भयो । जिल्लामा इन्सेक प्रतिनिधिले मानव अधिकार उल्लङ्घन तथा ज्यादतीका घटना अभिलेखीकरणसहित पीडित पक्षलाई न्याय दिलाउनु नै हाम्रो इन्सेक जिल्ला प्रतिनिधीहरुको भूमिका रहने गरेको बताउनुभयो ।
इन्सेकले वार्षिक रुपमा देशभरका घटनाहरुलाई दस्तावेजीकरण गर्दै आएको इन्सेक अनलाइन सम्पादक रमेशप्रसाद तिम्सिनाले बताउनु भयो । उहाँले हामी प्रक्रिया, प्रभाव र परिणाममा विश्वास गर्ने गरेको बताउनुभयो । मानवअधिकार वर्ष पुस्तकका सम्पादक गोविन्द त्रिपाठीले मानवअधिकार उल्लघंनका घटनाहरुका घटनाहरुको सम्पादन गर्दा गम्भिर प्रकारका घटनाहरु नछुटाउन आग्रह गर्नुभयो । हामीले पीडितहरुको न्यायका लागि काम गर्ने भएकाले हामी समेत सचेत रहनुपर्ने बताउनुभयो ।
इन्सेक प्रदेश २ प्रमुख राजु पासमानले जिल्ला प्रतिनिधीहरुले सिमित श्रोत र साधानका विच घटना संकलन, पीडितको न्यायको लागि पहल, घटना दर्तालगायत अदालतले गरेको न्यायलगायतको सवालमा जिल्ला प्रतिनिधीहरुको भूमिका अहम रहँदै आएको बताउनुभयो । कतिपय अवस्थामा मानव अधिकार रक्षक आँफै समस्यामा पर्ने भएकाले इन्सेकले मानव अधिकार रक्षकलाई सहयोग गर्ने बताउनुभयो ।
अन्तरक्रिया कार्यक्रममा सहभागी जिल्ला प्रतिनिधिले इन्सेकको अभियानमा जिल्ला प्रतिनिधीहरुले पीडितको न्यायको साथै अदालतसम्मको अपडेट ल्याउने गरेको बताउनुभयो । इन्सेक सप्तरी जिल्ला प्रतिनिधी मनोहर पोखरेलले मानवअधिकार हनन्का घटनाहरु संकलन गर्नु र घटना अभिलेख गर्नु चुनौतीपूर्ण रहेको बताउनुभयो ।
सप्तरीमा अपरिचित व्यक्तिबाट हत्याका घटनाहरुमा वृद्धि भएको बताउनु भयो । जिल्ला प्रतिनिधीहरुले अपराधिक र मानवअधिकार उल्लघंनका घटना नेपाल मानव अधिकार वर्ष पुस्तकका लागि जिल्लामा अभिलेखीकरण गरिएका घटना र जिल्लाको मानव अधिकार अवस्थाका विषयमा जानकारी गराएका छन् ।
यो विषयमा आफ्नो प्रतिक्रिया दिनुहोस् !