धनुषा,०७८ पुस १० गते । नेपाल मानव अधिकार वर्ष पुस्तक २०२२ का लागि प्रदेश २ मा अनौपचारिक क्षेत्र सेवा केन्द्र इन्सेकद्वारा अभिलेखीकरण गरिएका ६७७ मानव अधिकार उल्लङ्घन तथा ज्यादतीका घटनामा तथ्य तथ्याङ्कसहितको विवरणका लागि वार्षिक सम्पादन सम्पन्न गरिएको छ ।
इन्सेक प्रदेश २ कार्यालयको आयोजनामा जिल्लामा अभिलेखीकरण गरिएका मानव अधिकार उल्लङ्घन तथा ज्यादतीका घटनामा आवश्यक सूचनासहित पुर्ण पुष्टिका लागि पुस ९ र १० गते वार्षिक सम्पादन भेलामा नेपाल मानव अधिकार वर्ष पुस्तकका सम्पादक गोविन्द त्रिपाठी र इन्सेक अनलाइनका सम्पादक रमेश तिम्लिसिनाले सम्पादन गर्नुभएको प्रदेश २ का प्रलेख अधिकृत सागर कँडेलले बताउनु भयो ।
प्रदेश २ मा इन्सेक सप्तरी प्रतिनिधी मनोहर पोखरेलले ९१ ओटा, सिरहा प्रतिनिधी दुर्गा परियारले १२० ओटा, धनुषा प्रतिनिधी दिपेन्द्रप्रसाद सिंहले १०७ ओटा, महोत्तरी प्रतिनिधि अजयकुमार साहले ९६ ओटा, सर्लाही प्रतिनिधी बुधन साहले ५४ ओटा, रौतहट प्रतिनिधी कोपिला तिम्लिसिनाले ६४ ओटा, बारा प्रतिनिधी भोलानाथ पौडेलले ७५ ओटा र पर्सा प्रतिनिधी कृष्णचन्द्र लामिछानेले ७० ओटा मानवअधिकार उल्लघंन तथा ज्यादतीका घटनाहरुको सम्पादन गरिएको इन्सेक प्रदेश २ प्रमुख राजु पासमानले बताउनु भयो ।
इन्सेक प्रदेश २ प्रमुख पासमानले इन्सेकले ३० औँ संस्करणको क्रममा देशभरका जिल्ला प्रतिनिधीहरुले आ आफनो जिल्ला संकलन गर्नुभएको घटनाहरुको विवरणको अन्तिम रुप दिन प्रदेशगत रुपमा एक साथ सम्पादन गरिदै आएको बताउनुभयो ।
वार्षिक सम्पादन भेलामा जिल्लागत रुपमा इन्सेक जिल्ला प्रतिनिधीहरुले मानवअधिकार उल्लघंन तथा ज्यादतीका घटनाहरुको वार्षिक सम्पादन र तथ्याङ्कको पुष्टिका लागि सम्पादन टोलीले सम्पादन गरि संकलित विवरणमा छुटेका र पुष्टि गर्नुपर्ने र न्यायमा भएको पहुँचको सवालमा सल्लाह सुझाव दिने गरेको छ ।
