धनुषा,०७८ पुस २४ गते । नेपाल इन्जिनियर्स एशोसिएशनको ३३औं कार्यकारिणी समिती तथा प्रदेशको दोश्रो कार्यकारिणी समितीको हुन लागेको चुनावलाई लक्षित गरि नेकपा माओवादी केन्द्र, नेकपा एकिकृत समाजवादी र जसपा पार्टी निकट इन्जिनियरहरुको संयुक्त प्यानल एकीकृत प्रगतिशील ईन्जिनियर समूहको केन्द्र तथा प्रदेश नं.२ को चुनावी सभा तथा उम्मेदवारहरुविच परिचयात्मक कार्यक्रम शुक्रवार जनकपुरमा सम्पन्न गरिएको छ ।
इन्जिनियर रामएकवाल यादवको अध्यक्षतामा आयोजित चुनावी सभा तथा परिचयात्मक कार्यक्रममा प्रदेश २ का आन्तरिक मामिला तथा सञ्चार मन्त्री भरत साहले देश निर्माणको क्रममा रहेकोले विकासको कामको साथ साथै जनताको अधिकार प्राप्तिको इन्जिनियरहरुको समेत योगदान हुनुपर्नेमा जोड दिएका छन् । मन्त्रि साहले विगतको समयमा जनताले गरको विभिन्न संघर्षबाट प्राप्त उपलब्धिको रुपमा रहेको संघीय लोकतान्त्रिक गणतन्त्रको रक्षा गर्दै देशलाई विकासमा समेत अगाडि बढाउनु पर्ने आजको आवश्यकता रहेको बताए ।
उनले देश निर्माणको प्रक्रियामा लागिपरेको बताउंदै उनले मधेशी ,आदिवासी ,जनजाती ,मुस्लिम लगायतका उत्पीडित जनताहरुलाई कसरी अधिकार सम्पन्न बनाउने सोको लागि जनआन्दोलन,जनयुद्ध तथा मधेश आन्दोलन भएको र अझै पनि अपेक्षा अनुसारको माग पूरा नभएकोले सबै वर्ग सचेत हुन जरुरी रहेको बताए ।
देश निर्माणको लागि ईन्जिनियरहरुको महत्वपूर्ण भुमिका हुने गरेकोले जनअपेक्षा र वर्तमान प्रविधिको युग अनुकूलको विकास निर्माणलाई प्राथमिकतामा राखेर अगाडि बढ्नु पर्नेमा जोड दिँदै उनले भने,‘एकातिर विकास निर्माणलाई तीव्र बनाउनु पर्नेछ भने अर्कोतिर पहिचान सहितको अधिकार सुनिश्चितताको लागि सडक र सदनबाट संघर्ष जारी राख्नु पर्छ ।’ सोही कार्यक्रमबीच नेपाल राष्ट्रिय ईन्जिनियर ,समाजवादी ईन्जिनियरिंग एशोसिएन नेपाल तथा नेपाल ईन्जिनियरिंग समाजको तर्फबाट नेपाल ईन्जिनियरिंग एशोसिएन प्रादेशिक केन्द्र प्रदेश नम्बर २ का लागि संयुक्त उम्मेदवारहरुको घोषणा समेत गरिएको छ ।
घोषित उम्मेदवारहरुमा सभापतिमा राजेश यादव, उपसभापतिमा कार्तिकेश झा , सचिवमा रामनारायण यादव,सह–सचिवमा राजिव साह ,कोषाध्यक्षमा अञ्जु कुमारी यादवको उम्मेदवारी परेको छ भने सदस्यमा उम्मेदवारी दिनेहरुमा कुन्दन ठाकुर,प्रविण कुमार यादव,सोनाली ठाकुर,अमित कुमार यादव, जितेन्द्र कुमार यादव, रोशनी कुमारी झा, दयानन्द साह, रवि पटेल,विशाल कुमार झा तथा प्रदिप यादव रहेका छन् । त्यस्तै प्रदेश २ बाट केन्द्रीय सदस्यको लागि संजय कुमार यादवको उम्मेदवारी दिइएको जनाइएको छ ।
यो विषयमा आफ्नो प्रतिक्रिया दिनुहोस् !