धनुषा,०७८ पुस २५ गते । गाउँ गाउँमा खुलेका सहकारीहरुले शिक्षा, स्वास्थ्यलगायत उत्पादनशिल क्षेत्रमा लगानी गर्नुपर्ने प्रदेश २ का उद्योग, पर्यटन, वन तथा वातावरण मन्त्रि शत्रुधन महतोले धारणा व्यक्त गर्नुभएको छ । सहकारीहरुले गर्दा गरिवघर परिवारहरुले बचत गर्नुको साथै सुख दुःखका वेलामा सस्तो व्याजदरमा विना धरौटीको क्रटण समेत पाउनु सुखद पक्ष भएको बताउनुभयो ।
समाजसेवी कृषि सहकारी संस्था बटेश्वर–४ को १४ औं साधारणसभाको सम्बोधन गर्दै मन्त्रि महतोले सहकारीको लगानी उत्पादनमुखी तथा सही कामको सही तरिकाले प्रयोग हुनुपने बताउनुभयो । सहकारीमार्फत परिवर्तनशिल र रचनात्मक कामहरु हुनुपर्नेमा जोड दिनुभयो । उहाँले सर्वसाधारणहरु जनताहरुले सहकारीहरुमार्फत एक एक रुपैया जम्मा गर्दा लाखौं, करौडौ रकम जम्मा हुदै आएकाले सो रकमलाई सही तरिकाले उत्पादनशिल क्षेत्रमा लगानी गर्न सुझाव दिनुभयो ।
प्रदेश २ का आन्तरिक मामिला तथा संचार मन्त्रालयका प्रमुख सचिव रामकुमार महतोले सहकारीहरु गाउँ गाउँमा खुलेका छन्, विना धितो बचतकर्ताहरुले सहुलियत दरमा व्याज पाउँदै आएकाले यसबाट बचतकर्ताहरु नै लाभान्वित हुनु सहकारीको सवल गुण भएको बताउनुभयो । उहाँले बैंक भन्दा पनि सहकारीमा बचत र लगानी गरिनु राम्रो बताउँदै बैंकमा बचत गरे अन्य ठाउँमा समेत बैंकले लगानी गर्न सक्छ तर सहकारीमा बचत गर्दा र लगानी गर्दा स्थानिय स्तरमै सदुपयोग हुने भएकाले सोको लाभ समेत स्थानियले नै पाउनु धेरै ठुलो उपलब्धि भएको बताउनुभयो ।
समाजसेवी कृषि सहकारी संस्था बटेश्वरका अध्यक्ष राममणि कुशवाहाले सरकारको विना अनुदान सहकारी संचालन गर्दै आएको र हरहिसाव पारदर्शिता गर्दै आएको बताउनुभयो । वर्षेनी साधारणसभा र अडिट गरि वार्षिक रुपमा आय व्यय सार्वजानिक गर्दै आएकाले विश्वासका लागि यस सहकारीमा आवद्ध हुन आग्रह गर्नुभयो । लगानीकर्ता र साधारण सदस्यहरुलाई समेत कुनै वेला कुनै प्रकारको सुचना, जानकारी चाहिएमा संस्थाले निसंकोच ती सेवाहरु उपलब्ध गराउने बताउनुभयो ।
सहकारीमा एक हजार चार सय सदस्य रहेको बताउँदै यस वर्ष प्रत्येक सदस्यहरुलाई आल्मुनियमको कटौती उपहार दिने बताउनुभयो ।
कार्यक्रममा स्थानिय नेता शिवनाथ महतो, पत्रकार शैलेन्द्र महतो, दिपेन्द्रप्रसाद सिंह, स्थानिय समाजसेवी लता लामालगायतको शुभकामना मनतब्य राख्दै सहकारीले गर्दा गाउँघरका महिलाहरु समेत साक्षरता दर बढाएकोमा खुशी व्यक्त गरेका थिए । उहाँहरुले सहकारीमा आवद्धताले सामाजिक, सांस्कृतिक र आर्थिक रुपमा सवल हुनुको साथै एकतालाई समेत झल्काउने गरेको बताएका थिए ।
