धनुषा,०७८ माघ ७ गते । कोरोना संक्रमण बढ्दै गएपछि धनुषामा मास्क नलगाउनेलाई जिल्ला प्रशासन कार्यालय धनुषाले जरिवाना तिराउने निर्णय भएको जनाएको छ ।
जिल्ला प्रशासन कार्यालय धनुषाले माघ ६ र ७ गते स्थानिय व्यापारी, सर्वसाधारण जनताहरुलाई मास्क लगाउन आग्रह गर्दै जनकपुर बजारमा आफै स्वयम उपस्थित भएर मास्क नलगाउनेहरुलाई मास्क दिदै अब नलगाए १०० रूपैयाँ जरिवाना तिराउने बताउनुभएको छ ।
संक्रमण बढ्दै गएपनि सर्वसाधारणहरुमा मास्क नलगाउने प्रवृत्ति देखिएपछि स्थानीय प्रशासनले सर्वसाधारण तथा व्यापारीहरुलाई सचेत गराएको धनुषाका प्रमुख जिल्ला अधिकारी सुरेन्द्र पौडेलले बताउनुभयो ।
धनुषा जिल्लामा मास्क लगाउन दुई दिन चेतनामूलक कार्यक्रमको आयोजना गरिएको बताउनुभयो । आइतबारदेखि मास्क नलगाउनेसँग रु १ सयका दरले जरिवाना असुली गरिने प्रमुख जिल्ला अधिकारी पौडेलले बताउनुभयो ।
यो विषयमा आफ्नो प्रतिक्रिया दिनुहोस् !