दिपेन्द्रप्रसाद सिंह
धनुषा,०७८ माघ १२ गते । राष्ट्रिय सभाको निर्वाचनलाई लक्षित गरि जनमत पार्टी धनुषाले जनकपुरधाममा माघ १२ गते गरेको लाठी जुुलुस प्रदर्शनको क्रममा ४ जना कार्यकतालाई जिल्ला प्रहरी कार्यालय धनुषाले गिरफतार गरेको छ । सरकारी गाडीमा तोडफोड गरको आरोपमा जिल्ला प्रहरी कार्यालय धनुषाले सप्तरीको बोदेबरसाइन नपा–१ बस्ने १८ वर्षीय अर्जुन साह, महोत्तरीको एकडारा गापा–४ बस्ने ३५ वर्षीय राम विदेही पासमानलाई गिरफतार गरिएको छ ।
जनमत पार्टीका कार्यकता धनुषाको औरही गापा–५ बस्ने ३० वर्षीय विलेश मण्डल, सप्तरीको कंचनरुपा नगरपालिका–१ बस्ने २८ वर्षीय पप्पु पंजियार, सप्तरीको तिलाठीकौलारी गापा–२ बस्ने ३१ वर्षीय सुशिल कुमार मण्डल र सिरहाको सुखीपुर नपा–४ बस्ने २२ वर्षीय जिवछ यादवलाई जिल्ला प्रहरी कार्यालय धनुषाले गिरफतार गरेको हो ।
जनमत पार्टीका धनुषा जिल्ला अध्यक्ष ओम विक्रम कुशवाहाको नेतृत्वमा जनकपुरधाम उपमहानगरपालिका–८ रामानन्दचोकबाट सुरु भएको रयाली उग्ररुप लिदै राष्ट्रिय सभाको निर्वाचनमा भाग लिन जनकपुर आएका प्रदेश सांसद, विभिन्न पालिकाका मेयर र उपमेयरहरुको सरकारी गाडीलाई लक्षित गरि आक्रमण गर्ने क्रममा जनमत पार्टीको कार्यकताहरुलाई गिरफतार गरेको जिल्ला प्रहरी कार्यालय धनुषाका डिएसपी दिपक कुमार रायले बताउनुभयो ।
सयौंको संख्यामा जनकपुरको विभिन्न चोकमा जनमत पार्टीका कार्यकताहरुले आक्रमक रुपमा प्रदर्शन गरेपछि भिडलाई नियन्त्रण गर्न प्रहरीले ४२ राउण्ड अश्रु ग्याँस प्रहार गरेको छ । प्रहरीले भैरवचोकमा १९ राउण्ड अश्रुग्याँस, रामचोकमा ९ राउण्ड अश्रुग्याँस र पिडारीचोकमा १४ राउण्ड अश्रुग्याँस प्रहार गरेको जिल्ला प्रहरी कार्यालय धनुषाका डिएसपी दिपक कुमार रायले बताउनुभयो । भिडलाई नियन्त्रण गर्ने क्रममा इन्स्पेक्टर अवधेश कुमार यादव, प्रहरी इन्स्पेक्टर बेचन यादव, प्रहरी जवान नवराज रेग्मी, सई विनोद पासवान घाइते भएको जिल्ला प्रहरी कार्यालय धनुषाका डिएसपी दिपक कुमार रायले बताउनुभयो ।
जनमत पार्टीद्धारा सरकारी गाडीमा तोडफोड
जनमत पार्टीले जनकपुरमा माघ १२ गते गरेको आन्दोलनमा सरकारी गाडीलाई लक्षित गरि तोडफोड गरेको छ । जनकपुरधाम उपमहानगरपालिका–१० देवीचोकमा सिरहाको सुखीपुर नगरपालिकाका मेयर रामऔतार यादव सवार बा.२ झ.२३१६ नम्बरको गाडीमा तोडफोड गरेको छ । गाडीको अगाडी र बाँया साइडको सिसा फुटाइएको छ । रामानन्दचोकमा जलेश्वर अस्पतालका प्रमुख डा. सतिश कुमार साह सवार प्रदेश २–०२–००१ झ. ०१६३ नम्बरको गाडीमा तोडफोड गरिएको छ । गाडीको अगाडी र पछाडिको सिसा फुटाइएको छ । गाडीमा सवार डाक्टर साहको ओठ र मुखमा गम्भिर चोट लागेको छ । डा.सतिश साहको प्रादेशिक अस्पताल जनकपुरमा उपचार भई रहेको छ । डा. साहको दाँत भाँचिएको छ ।
जनकपुरधाम उपमहानगरपालिका–३ जानकी मंदिर छेउमा सडक विभाग कार्यालय मुजेलियाका इन्जिनियर बेचन कुमार भण्डारी सवार बा.२ झा ३२२० नम्वरको गाडीमा तोडफोड गरिएको छ । गाडीको अगाडी भागको सिसा फुटाइएको छ ।
सलार्हीका प्रदेश सांसद अशोक यादव सवार प्रदेश २–०२–००१ झ.००१८ नम्बरमा तोडफोड गरिएको छ । गाडीको अगाडी र पछाडिको सिसा फुटाइएको छ । सांसद यादवको दाँहिने हाँत भाचिएको छ । उहाँको जानकी हेल्थ केयर एण्ड रिसर्च सेन्टरमा उपचार भई रहेको छ ।
गणेशमान चारनाथ नगरपालिकाका उपमेयर मिना कुमारी यादव सवार २–०२–००१ झ.००८० नम्बरको गाडीमा तोडफोड गरिएको छ । तोडफोडको क्रममा उपमेयर यादवको आँखामा सिसा परेको छ । उहाँको जानकी आँखा अस्पतालमा उपचार गराइ रहेको उपमेयर मिना यादवले बताउनुभयो । गाडी चालकको धनुषाको गणेशमान चारनाथ नगरपालिका–३ भरतपुर बस्ने लक्ष्मी कुमार यादवको हाँतमा चोट लागेको छ । उहाँको प्रादेशिक अस्पताल जनकपुरमा उपचार गराइएको छ ।
सलार्ही जिल्लाको हरिवन नपाका मेयर सवार २–०३–००१ झ.००२० नम्बरको गाडीमा तोडफोड गरिएको छ । गाडीमा सवार मेयर गणेश प्रसाई र उपमेयर रेणुका पौडेल घाइते हुनुभएको छ । सलार्हीको कविलासी नपाका मेयर सवार ना.१ झ.१६७४ नम्बरको गाडीमा तोडफोड गरिएको छ । गाडीको सिसा फुटाइएकोे छ । गाडी चालक सलार्हीको कविलासी नपा–९ बस्ने ४० वर्षीय संजिव कुमार रायको पाखुरामा चोट लागेकोले उहाँको जानकी हेल्थ केयर एण्ड रिसर्च सेन्टरमा उपचार भई रहेको छ ।
लाहान नगरपालिकाका मेयर मुनि साह सुडि सवार गाडीमा समेत तोडफोड गरिएको छ । मेयरसंगै गाडीमा जनकपुर रिर्पोटिगका लागि आएका सिरहाका पत्रकार जिवछ यादवका अनुसार लहान नगरपालिकाका मेयर सवारमा गाडीमा पिडारीचोकमा जनमत पार्टीका कार्यकताहरुले तोडफोड गरेको हो । गाडीको अगाडी र पछाडिको सिसा फुटाइएको छ ।
