धनुषा,०७८ फागुन १६ गते । जलवायु परिवर्तन प्रभाव न्यूनिकरणका लागि स्थानिय पहल (लिरिक) कार्यक्रमको बटेश्वर गाउँपालिकास्तरिय परियोजना सल्लाहकार समितीको बैठक सम्पन्न गरिएको छ । गाउँपालिका अध्यक्ष डम्बर बहादुर राउत क्षेत्रीको अध्यक्षतामा बसेको बैठकबाट परियोजनाले बटेश्वर गाउँपालिकाको वडा नं. ५ शान्तिपुरमा सन् २०२१ मा गरेको कामको प्रगति र सन् २०२२ का लागि आगामी योजनाहरुबारे वृहत्त रुपमा छलफल गरेको छ ।
परियोजनाले सन् २०२१ मा कोभिड–१९ का कारण नियमित र सहज तरिकाले कार्यक्रम कार्यान्वयन गर्न कठिन चुनौती देखिएको बताएको छ । सन् २०२२ का लागि ३१ लाख ६५ हजार रुपैया बरावरको कार्यक्रम राखिएको आद्रा नेपालका परियोजना संयोजक शिवजी महतोले बताउनुभयो ।
बैठकमा बटेश्वर गाउँपालिका अध्यक्ष डम्बर बहादुर राउत क्षेत्रीले हावाहुरीको पूर्वानुमानका लागि यन्त्र जडान गर्ने आफनो उद्धेश्य र लक्ष्य रहेको बताउनुभयो । जलवायु परिवर्तनले गर्दा अहिले जनजीवनमा निकै समस्या र उतार चढाव ल्याइ दिदै गरेको बताउनुभयो । जलवायु परिवर्तनमा काम गर्न एउटै क्षेत्रमा लगानी गरेर नहुने बताउँदै वृक्षारोपण, वायु प्रदुषण, हानिकारक पदार्थ, बढ्दो विषादी प्रयोगलगायतको सवालमा हामी सचेत हुनुपर्ने बताउनुभयो ।
उहाँले यस क्षेत्रमा पटक पटक हावाहुरीले निकै समस्या निम्त्याई रहेको वेलामा हावाहुरी आउनु पूर्व नै जानकारी दिने यन्त्र जडान गर्न सकेको खण्डमा यस पालिकाको साथै अन्य पालिकाहरुका बासिन्दाहरुका लागि समेत लाभ हुने विश्वास व्यक्त गर्नुभयो । वृक्षारोपणमा गर्न जोड दिनुपर्ने बताउँदै उहाँले विद्यालय, बटेश्वरमा निमार्णाधिन र निमार्ण सम्पन्न भएको ७ वटा पुल वरिवरि र नदि उकास जग्गाहरुमा वृक्षारोपण गर्नुपर्ने धारणा राख्नुभयो । लिरिक परियोजनाले राम्रो काम गरि रहेको बताउँदै यो कार्यक्रम पालिकाको अन्य वडामा समेत विस्तार गर्न र पालिकाबाट हुन सक्ने सहयोग र समन्वय गर्न पालिका सदैव तत्पर रहेको बताउनुभयो ।
कार्यक्रममा लिरिक परियोजनाका फिल्ड संयोजक निलबहादुर लुम्रेले परियोजनाको मुख्य उद्धेश्य जलवायु परिवर्तनको प्रभावबाट गरिव र संकटासन्न समुदायको उत्थानशिलता अभिवृद्धि गर्ने परियोजनाको लक्ष्य रहेको बताउनुभयो । हाल लिरिक परियोजना मिथिलाको नगरपालिका, बटेश्वर गाउँपाािलका, र महोत्तरीको बर्दिवास नगरपालिका, गौशला नगरपालिका, औरही नगरपालिका र भंगहा नगरपालिकामा संचालनमा रहेकोे छ । लिरिक परियोजनाका लागि आड्रा नेपाल, रुपान्तरण र सामुदायिक विकास तथा पैरवी मंच नेपाल बर्दिवास साझेदार संस्थाको रुपमा काम गरि रहेको लिरिक परियोजनका जलवायु परिवर्तन विज्ञ विराट पन्थले जानकारी दिनुभयो ।
यो विषयमा आफ्नो प्रतिक्रिया दिनुहोस् !