धनुषा, २८ पुस, २०७७
नेपाली काँग्रेसका उपसभापति विमलेन्द्र निधिले प्रतिनिधीसभा विघटन गरेर जनताले दिएको जनादेशलाई अपमान गरेको बताएका छन् । सरकारले संसद विघटन गर्नु नै असंवैधानिक कदम भएको नेता निधीले दावि गरेका छन् । नेता निधीले अव राष्ट्रको लोकतान्त्रिक अभ्यासलाई बचाउन देशमा दुई विकल्प मात्रै संवैधानिक उपाय रहेको बताए ।
नेपाल प्रेस युनियन धनुषाले मंगलवार नेपाली काग्रेसको पार्टी कार्यालयमा गरेको पत्रकार सम्मेलनमा बोल्दै नेता निधीले देशमा संवैधानिक पद्धति रक्षार्थ देशमा सर्वोच्च अदालतबाट प्रतिनिधीसभा पुर्नस्थापना वा निर्वाचनद्धारा प्रतिनिधीसभा गठनवाहेक अन्य विकल्प नरहेको बताए । यी दुई ंसंवैधानिक विकल्पको सामाना गर्न राजनितिक दल र जनतालाई तयारी अवस्थामा रहन नेता निधीले सवैमा आग्रह गरे ।
प्रधानमन्त्री केपी शर्मा ओलीप्रति आक्रमक देखिएका नेता निधीले ओली अवसरवादी, सर्वसत्तावादी, अधिनायकवादी र बर्चश्वादी भएको आरोप लगाए । उनले भने लामो सघर्ष पश्चात्त प्राप्त संवैधानिक पद्धति जोगाउन सवैलाई निर्वाचनमा जानु पर्छ । काग्रेसले संघिय लोकतान्त्रिक गणतन्त्रको रक्षा र यसको सफल कार्यान्वयनका लागि काग्रेसको १४ औं महाधिशेवन भन्दा पनि देशको निर्वाचनमा ध्यान केन्द्रित गर्न नेता कार्यकताहरुलाई निर्देशन समेत दिएका छन् ।
यो विषयमा आफ्नो प्रतिक्रिया दिनुहोस् !