एजेन्सी, ०७७ बैशाख ३ गते ।

विश्वभर महामारीको रुपमा फैलिएको नोबेल कोरोना भाइरस (कोभिड १९) को संक्रमितको संख्या बीस लाखको हाराहारीमा पुगेको छ । बुधबार बिहानसम्म कोरोना संक्रमण हुनेको संख्या १९ लाख ९७ हजार ३५८ जनामा संक्रमण देखा परेको छ ।

भाइरसका कारण ज्यान गुमाउनेको संख्या पनि प्रत्येक दिन हजारौंको संख्यामा बढ्दै गएको छ । अहिलेसम्म एक लाख २६ हजार ५६५ जनाले ज्यान गुमाइसकेका छन् भने चार लाख ७८ हजार ३२६ जनाको सफल उपचार भइसकेको छ । कोरोना संक्रमणपछि ५१ हजार ५९५ जनाको अवस्था जटिल रहेको छ ।

अमेरिकामा सबैभन्दा बढी मानवीय क्षति भएको छ । यो समाचार तयार पार्दासम्म अमेरिकामा ज्यान गुमाउनको संख्या २६ हजार १६ पुगेको छ । त्यस्तै छ लाख १३ हजार ६२४ जनामा संक्रमण देखिएको छ भने ३८ हजार ७२१ जनाको कोरोना संक्रमणपछि सफल उपचार भएको छ ।

स्पेन अमेरिकापछिकै बढी संक्रमण भएको देशको रुपमा देखिएको छ । अहिलेसम्म स्पेनमा एक लाख ७४ हजार ६० जनामा संक्रमण देखिएको छ । त्यस्तै १८ हजार २५५ जनाको ज्यान गइसकेको छ भने ६७ हजार ५०४ जनाको सफल उपचार भएको विश्व स्वास्थ्य संगठनले जनाएको छ ।

वर्ल्डोमिटरको तथ्यांकअनुसार इटालीमा ज्यान गुमाउनेको संख्या २१ हजार ६७ पुगेको छ । त्यस्तै एक लाख ६२ हजार ४८८ जनामा संक्रमण देखिएको छ भने ३७ हजार १३० जना उपचारपछि घर फर्किएका छन् । त्यस्तै फ्रान्समा पनि ज्यान गुमाउनेको संख्या १५ हजार नाघेको छ ।

बुधबार बिहानसम्म फ्रान्समा १३ हजार ७२९ जनाको ज्यान गएको छ । त्यस्तै एक लाख ४३ हजार ३०३ जनामा कोरोना देखिएको छ भने २८ हजार ८०५ जनाको सफल उपचार भएको छ ।

(सूचीसहित)